მოზარდებს შორის ძალადობა და დაპირისპირება - საქართველოს შინაგან საქმეთა მინისტრმა გიორგი გახარიამ ჟურნალისტებთან საუბრისას განაცხადა, რომ ამ მიმართულებით უწყება საპატრულო პოლიციის დახმარებით აქტიურად მუშაობს:

„შინაგან საქმეთა სამინისტრო განათლების სამინისტროსთან ერთად აქტიურად ახორციელებს იმ გეგმას, რაც დაპირდა წინა სამწუხარო შემთხვევის დროს. 5 თებერვალს შედგება უწყებათაშორისი სხდომა, სადაც წარდგენილი იქნება კონკრეტული რეფორმები. კონკრეტულად დღეს რასაც აკეთებს შინაგან საქმეთა სამინისტრო, ასე ვთქვათ საპატრულო პოლიციის მეშვეობით, ახორციელებს უფრო აქტიურ პატრულირებას სკოლების ირგვლივ, მინდა დაგარწმუნოთ, რომ ამას თავისი შედეგი აქვს მიუხედავად იმ სამწუხარო შემთხვევებისა, რომლებიც მაინც ხდება“, - განაცხადა გიორგი გახარიამ.