არასამთავრობოები წულუკიანს თანამშრომლების უკანონო გათავისუფლებასა და სასამართლოს გადაწყვეტილებების შეუსრულებლობაში ადანაშაულებენ

პოლიტიკა - 15:25, 31 Jan, 2018

1087

არასამთავრობო სექტორი თეა წულუკიანის სასამართლო გადაწყვეტილებების შეუსრულებლობაში ადანაშაულებს.

როგორც გათავისუფლებული თანამშრომლები ანა სუბელიანი და თამაზ ახობაძე აცხადებენ, ისინი დანაშაულის პრევენციის ცენტრში პროექტების მენეჯერებად მუშაობდნენ და 2014 წელს იუსტიციის მინისტრის ინიციატივით, ფორმალური რეორგანიზაციის შედეგად სამსახურიდან გაათავისუფლეს.

მათი თქმით, მიზეზი მხოლოდ პირადი მიზეზი იყო რადგან, ხელმძვანელი პირების პოზიციებს ეწინააღმდეგებოდნენ.

როგორც ანა სუბელიანმა აღნიშნა, იუსტიციის მინისტრმა მას „ქართული ოცნების“ 4 აქტივისტის დასაქმება სთხოვა თუმცა, მან უარის შემდეგ წულუკიანმა მისი გათავისუფლების გადაწყვეტილება მიიღო. მათივე თქმით, გათავისუფლების შემდეგ სასამართლოში იჩივლეს, სამივე ინსტანციის გავლის შემდეგ ისინი გამართლდნენ მაგრამ უწყებამ თანამშრომლები არ აღადგინა.

სასამართლომ უწყებას ხელფასის დაბრუნება მოთხოვა, რომელიც საერთო ჯამსი 65 000 ლარს შეადგენს მაგრამ წულუკიანის უწყებას ესეც არ დაუბრუნებია.

"საქართველოს ახალგაზრდა იურისტთა ასოციაციის" თავმჯდომარე, სულხან სალაძე აცხდებს, რომ აღსრულების ეროვნული ბიურო ვერ უზრუნველყოფს გადაწყვეტილების აღსრულებას. სულხან სალაძე საშიშ ტენდენციაზე საუბრობს.

„ის ფაქტი, რომ ადმინისტრაციული ორგანო ნებაყოფლობით არ ასრულებს სასამართლოს გადაწყვეტილებას, არის საშიში ტენდენცია და არის შეტყობინება იუსტიციის სამინისტროს მხრიდან, რომ თუკი ის უწყება, რომელიც პირდაპირ არის ვალდებული იცავდეს კანონს და პირველ რიგში, არის მოწოდებული, რომ სამართლიანობას უზრუნველყოფდეს ქვეყანაში, თუკი ეს უწყება ვერ უზრუნველყოფს და არ უზრუნველყოფს სამართლიანობას, ეს არის შეტყობინება სხვა ადმინისტრაციული ორგანოებისთვის, რომ მათ შეუძლიათ სასამართლოს გადაწყვეტილებები არ შეასრულონ“ - აღნიშნა სალაძემ.