სოხუმში მშენებლობაზე 44 ჩრდილოეთ კორეელი მიგრანტი მუშაობს - აფხაზეთში ჩრდილოეთ კორეის წარმომადგენელი აშშ-ის სანქციების სიაშიც მოხვდა

პოლიტიკა - 15:11, 31 Jan, 2018

1483

ოკუპირებულ აფხაზეთში მშენებლობაზე 44 ჩრდილოეთ კორეელი მიგრანტი მუშაობს. ამის შესახებ ინფორმაციას „ეხო კავკაზი“ ავრცელებს. გამოცემის ცნობით ისინი სოხუმში, ტურბაზის რაიონში მრავალსართულიანი სასტუმროს მშენებლობაზე არიან დასაქმებულნი.

როგორც „ეხო კავკაზი“ წერს მათი ყველა დოკუმენტი გაფორმებულია ოკუპირებული აფხაზეთის დე ფაქტო ხელისუფლების ე.წ კანონმდებლობის შესაბამისად- ყველა მათგანს აქვს ე.წ ვიზა, ე.წ სამუშაო ნებართვა და სამედიცინო ბარათიც კი.

„ეხო კავკაზის“ ცნობით, ჩრდილოეთ კორეელთა სამუშაო ჯგუფს თავისი კოორდინატორიც ჰყავს, რომელიც აფხაზეთში მათი ჩამოსვლის საორგანიზაციო საკითხებს აგვარებს. სტატიის ავტორი არ გამორიცხავს, რომ ეს კოორდინატორი არის აფხაზეთში ჩრდილოეთ კორეის ვიცე კონსულის წარმომადგენელი, რომელიც ვიცე-კონსულთან ერთად აშშ-ის სანქციების სიაშიც მოხვდა.

ბირთვულ საფრთხესთან დაკავშირებით ჩრდილოეთ კორეის წინააღმდეგ ახალი სანქციები აშშ-მა 25 იანვარს მიიღო . ის შეეხო 9 ორგანიზაციას, 6 მოსამართლეს და თექვსმეტ ადამიანს, რომლებიც აშშ-ის აზრით დაკავშირებულნი არიან ჩრდილოეთ კორეის სარაკეტო ბირთვულ პროგრამასთან.