„თბილისის მთავრობამ ყველა კითხვას უნდა უპასუხოს“- გოკა გაბაშვილი

პოლიტიკა - 13:03, 31 Jan, 2018

1021

ოპოზიცია დედაქალაქის მერს და რამდენიმე საქალაქო სამსახურის ხელმძღვანელს საკრებულოში იბარებს. „ევროპული საქართველოს“ წარმომადგენლის, გოკა გაბაშვილის თქმით, დედაქალაქის მთავრობას რამდენიმე კითხვაზე აქვს პასუხი გასაცემი, მათ შორის, რატომ მოხდა ხელშეკრულების გაფორმება ისეთ კომპანიასთან, რომელსაც მსგავსი სამუშაოების ჩატარების გამოცდილება არ ქონდა და თან „შავ სიაშიც“ იყო, რატომ არ იქნა გათვალისწინებული ექსპერტების რჩევები და რატომ მოხდა ახალი კონსტრუქციის ძველ კონსტრუქციაზე დამონტაჟება.

„როცა ასეთი ობიექტის სამუშაოები მიმდინარეობს, უნდა იყოს თუ არა ტენდერზე გამკაცრებული საკვალიფიკაციო მოთხოვნები. სახოგადოებისთვის ცნობილი ხდება, რომ ამ კომპანია არ ქონდა მსგავსი ტიპის სამუშაოების შესრულების გამოცდილება და ერთი წლით ადრე ის იმყოფებოდა შავ სიაში. უნდა გაეცეს პასუხი რატომ იყო ამგვარად შედგენილი საკვალიფიკაციო მოთხოვნები. მეორე ძალიან მნიშვნელოვანი შეკითხვაა ის, რომ თუ ექსპერტები ურჩევდნენ რომ არ უნდა გაკეთებულიყო შეკიდული ჭერის კონსტრუქცია, ვიბრაციისა და სხვადასხვა ფაქტორების გამო, რატომ გადაწყდა მაინც ამის გაკეთება. ასევე რატომ ჩაიდო ხელშეკრულებაში რომ ახალი კონსტრუქცია გაკეთებულიყო ძველ კონსტრუქციაზე“- განაცხადა გოკა გაბაშვილმა.