„უნდა დადგეს „ქართული ოცნების“ გუნდის პასუხისმგებლობის საკითხი“ - ენმ ვარკეთილში მომხდარ ინციდენტთან დაკავშირებით

პოლიტიკა - 12:05, 31 Jan, 2018

742

„ნაციონალური მოძრაობა“ მეტროსადგურ „ვარკეთილის“ ჩამონგრევაზე პასუხისმგებლობას დედაქალაქის მერიას აკისრებს - ენმ თბილისის მერს და მის მოადგილეებს საკრებულოში, რიგგარეშე სხდომაზე იბარებს.

ირაკლი ნადირაძის თინფორმაციით, კომპანია „ყვარელრემმშენი“, რომელმაც მეტროსადგური „ვარკეთილი“ გაარემონტა, ე.წ. შავ სიაში იყო შეყვანილი, ხოლო მისი ამ სიიდან ამოღებას „ქართული ოცნების" შედეგად მოხდა.

„უნდა დადგეს „ქართული ოცნების“ გუნდის პასუხისმგებლობის საკითხი. ჩვენ ვფიქრობთ, რომ მხოლოდ ფრაქციულ ფორმატში კონკრეტული სამსახურის უფროსის ან უფროსების მოწვევა არ არის საკმარისი. მივმართავთ საკრებულოს თავმჯდომარეს, რომ მოიწვიოს რიგგარეშე სხდომა, სადაც მოვა ყველა ის კომპეტენტური სამსახური, ყველა ის ადამიანი, ვინც პასუხისმგებელია თბილისში საზოგადოებრივი ტრანსპორტის გამართულობაზე. ტენდერი მოგებული ჰქონდა შავ სიაში მოხვედრილ კომპანიას, რომელმაც უხარისხო სამუშაოები ჩაატარა. 10 წლიანი გარანტია ჰქონდა, თუმცა ვნახეთ, რომ რემონტიდან 4 თვის თავზე ჩამოიშალა. ფაქტია, რომ ამ კომპანიას მისცეს ასევე, სხვადასხვა სამუშაოს განხორციელების უფლება, რამდენიმე მილიონი აქვს მიღებული სახელმწიფოსგან. ის არემონტებდა, როგორც სკოლებს, როგროც ბაღებს, ასევე, შსს-ს ცალკეულ კაზარმას და ცალკეულ ობიექტებს, შესაბამისად, ეს ბადებს კითხვის ნიშანს, ხომ არ იყო კორუფციასთან საქმე, ხომ არ იყო აქ კონკრეტული ადმიანების მიერ ამ კომპანიის ლობირებასთნ საქმე, ამაზე უნდა გასცეს გამოძიებამ პასუხი,“ - განაცხადა ნადირაძემ.

გუშინ მეტროსადგურ „ვარკეთილში“ ჭერი ჩამოინგრა, რომელიც კომპანია "ყვარელრემმშენმა" 2017 წლის ზაფხულში გაარემონტა. ჭერის ჩამონგრევის შედეგად 14 ადამიანი დაშავდა.