დედაქალაქის მერმა კახა კალაძემ გვიან ღამით „ახმეტელის“ მეტროში მიმდინარე სარემონტო სამუშაოები დაათვალიერა. კალაძემ კიდევ ერთი კომენტარი გააკეთა „ვარკეთილის“ მეტროში ჭერის ჩამოშლის საკითხზე და არნიშნა, რომ ყველა იმ პირის პასუხისმგებლობის საკითხი უნდა დადგეს, ვისაც მომხდარში ბრალი მიუძღვის.

"ფაქტი არის სახეზე, სამუშაოები უხარისხოდ იყო ჩატარებული, სექტემბერში ჩაბარებული სარეაბილიტაციო სამუშაოები, რომელიც ინა კონკრეტულად ამ კომპანიის მხრიდან წარმოებული. 14 ადამიანი არის ჰოსპიტალიზირებული, მათ უტარდებათ შესაბამისი გამოკვლევები, აბა რის გამო მოხდა ის, რაც დღეს მოხდა, უნდა დაველოდოთ გამოძიებას, ყველა დამნაშავე აგებს პასუხს, ვისაც დანაშაული აქვს ჩადენილი," - განაცხადა კახა კალძემ.