მეტროსადგურ „ვარკეთილის“ მოსაცდელ დარბაზში შეკიდული ჭერის ჩამონგრევის შედეგად 14 ადამიანი დაშავდა.

თვითმხილველი იმ წუთებს იხსენებს, როდესაც ჭერი ჩამოიშალა.

„თავი ფილმში მეგონა. წარმოიდგინეთ, დგახარ ბაქანზე და ისმის განწირული კივილი, შემდეგ კი უყურებ როგორ იშლება ჭერი თანდათანობით და თავზე გეცემა. გაქცევა მოვასწარით. ის რომ მოწყვეტით ჩამოვარდნილიყო და შუაში ვინმე მდგარიყო, ბავშვი, დიდი, რა მნიშვნელობა აქვს, ალბათ კონსტრუქცია გასრესდა. არც კი მინდა წარმოვიდგინი, როგორი ტრაგედია დატრიალდებოდა, ეს იმ დროს რომ მომხდარიყო , როდესაც მეტროსადგური გადატვირთულია, როდესაც მშობლებს ბავშვები სკოლებსა და ბაღებში მიჰყავთ. გადავრჩით და ამის გახსენება აღარ მინდა“