აშშ-ის კონგრესის მიერ ქვეყნის პრეზიდენტ დონალდ ტრამპისთვის რუსი ოლიგარქებისთვის სანქციების გამკაცრების თხოვნასთან დაკავშირებით კომენტარს აკეთებს ამერიკის შეერთებული შტატების ელჩი საქართველოში იან კელი.

დიპლომატის თქმით, კონგრესის გადაწყვეტილება ემსახურება იმას, რომ რუსეთმა თავისი ქმედებებისთვის საკადრისი პასუხი მიიღოს:

„კონგრესის ეს გადაწყვეტილება ემსახურება იმას, რომ რუსეთმა თავისი ქმედებებისთვის საკადრისი საფასური მიიღოს. ეს შეეხება უკრაინაში მათ ჩარევას და უკრაინის სუვერენიტეტის ხელყოფას. ასევე რუსეთის ფედერაციის ჩარევას ამერიკის დემოკრატიულ პროცესებში, კერძოდ, არჩევნებში. შესაბამისად, ეს ამ საკითხებთან დაკავშირებით კონგრესის სიგნალი და პასუხია, რომ რუსეთის ფედერაციამ კარგად გაიგოს, არ შეიძლება და არ უნდა ჩაერიოს დემოკრატიულ პროცესებში და სხვა ქვეყნის სუვერენიტეტი არ უნდა ხელყოს. რაც შეეხება მა საკითხის დეტალებს, ეს მეც გუშინ ვნახე და დეტალებზე მოგვიანებით შემიძლია ვისაუბრო”, – განაცხადა იან კელიმ.