აბაშიძე-კარასინის მორიგი შეხვედრის თემა საბაჟო მონიტორინგის შესახებ შეთანხმება იქნება, რომლისთვისაც რუსეთს ხელი ჯერ არ მოუწერია.

საუბარია შეთანხმებაზე, რომლის მიხედვითაც კონტროლი საბაჟო კორიდორების ნეიტრალური მონიტორების მიერ მოხდება. საქართველოს სპეციალური წარმომადგენელი რუსეთთან ურთიერთობის საკითხებში ზურაბ აბაშიძე პრაღაში უკვე გაემგზავრა:

„ჩემი მხრიდან ალბათ გაკეთდება კომენტარები იმ მოვლენებთან დაკავშირებით, რაც ოკუპირებულ ტერიტორიებთან დაკავშირებით ხდება. ამას ყოველთვის ვაკეთებ ხოლმე საუბრის დასაწყისში მიუხედავად იმისა, რომ ეს ჩვენი დღის წესრიგით არ არის გათვალისწინებული, მაგრამ ძალიან რთულია ამას გვერდი აუარო.

რატიფიცირება რუსეთსა და ცხინვალის რეგიონს შორის ერთობლივი საჯარისო შენაერთების შექმნის შესახებ, ახლა გავიგეთ ინფორმაცია, რომ ე.წ. საბაჟო პუნქტი იქმნება ცხინვალის რეგიონში. არის თემები, რომელიც ძალიან დიდ შეშფოთებას იწვევს,“ - აცხადებს ზურაბ აბაშიძე.