ჩოხატაურიდან ოზურგეთის მიმართულებით მოძრავი მსუბუქი ავტომანქანა, რომელსაც ახალგაზრდა მამაკაცი მართავდა, სავალი გზიდადან გადავარდა და ხეს შეეჯახა.
მანქანის მძღოლი ადგილზევე გარდაიცვალა. " საშინელი ავარია მოხდა, ახალგაზრდა ბიჭი დაიღუპა. მანქანას წინ ცხვირი საერთოდ არ ჰქონდა. როგორც ჩანს მძღოლმა საჭე ვერ დაიმორჩილა, ჯერ ხეს შეასკდა და მერე მანქანიდან ტრასაზე გამოვარდა. ძრავი და გადაცემის კოლოფი 20 მეტროში ეგდო. საშინლად იყო დამტვრეული ის ბიჭი"-გვიყვება ერთ-ერთი თვითმხილველი.
ადგილზე ამ წუთებში იმყოფებიან საპატრულო პოლიციის თანამშრომლები.
როგორც შსს-ს პრესსამსახურში გვეუბნებიან, მომხდარზე გამოძიება სსკ 276-ე მუხლის მეხუთე ნაწილით მიმდინარეობს, რაც ტრანსპორტის მოძრაობის უსაფრთხოების, ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
მასალის გამოყენების პირობები






