NDI-ს საქართველოს ოფისის ხელმძღვანელი ლორა თორნტონი მის განცხადებასთან მიმართებით დამატებით კომენტარს აკეთებს და აღნიშნავს, რომ საკუთარი აზრის გამოთქმისთვის ბოდიშის მოხდა არ აპირებს. თორნტონს დამატებითი ახსნა-განმარტება და ბოდიშის მოხდა საპარლამენტო უმრავლესობის წარმომადგენლებმა მოსთხოვეს:

„მე ვარ ამერიკის მოქალაქე. ეს არის ჩემი პირადი მოსაზრება, რომელზეც პოზიცია ჩემს პირად გვერდზე გამოვხატე. ამისთვის ბოდიშის მოხდას არ ვაპირებ“, - განუცხადა ლორა თორნტონმა ტელეკომპანია „იმედს“.

ტორნტონმა „ფეისბუქის“ საკუთარ გვერდზე დაწერა, რომ „დონალდ ტრამპმა შესაძლოა საქართველო რუკაზეც კი ვერ იპოვოს“.

”გასულ ღამეს, "იმედის" ჟურნალისტმა სიტყვასიტყვით მკითხა, ხომ არ გეგმავდა NDI-ი აშშ-ის და რუსეთის სამხედრო ძალებზე კითხვის ფორმულირებით ამერიკის პრეზიდენტის რუსეთთან დაპირისპირების ლობირებას. ხმამაღლა გამეცინა. ტრამპი რუკაზე საქართველოს დიდი ალბათობით ვერც იპოვის, არათუ თვალს ადევნებს აქ ჩატარებული კვლევის შედეგებს! მაგრამ მე მომწონს ვარაუდი, თითქოს ამხელა გავლენა გვაქვს!”, - დაწერა ლორა თორნტონმა Facebook-ის პირად გვერდზე.