საქართველოში საერთაშორისო დემოკრატიული ინსტიტუტის ხელმძღვანელის, ლორა თორნტონის განცხადებას პარლამენტის ვიცე-სპიკერი ირმა ინაშვილი ეხმაურება:

“არ ვიცი, “ქართულ ოცნებას” რა პათოსი აქვს, მაგრამ NDI-ის ხელმძღვანელის განცხადება მართლაც უხერხულია. რბილად რომ ვთქვათ, არადიპლომატიური, არაკორექტულია, რადგან ამერიკის შეერთებული შტატები ჩვენი სტრატეგიული პარტნიორია და დონალდ ტრამპმა გადასარევად იცის, საქართველო სად არის. ის, რომ ლორას ტრამპი არ ევასება, ჩვენ ვიცით, მაგრამ ამან საქართველო-ამერიკის ურთიერთობებს არ უნდა მიაყენოს ჩრდილი”, – განაცხადა ინაშვილმა.

თორნტონმა „ფეისბუქის“ საკუთარ გვერდზე დაწერა, რომ „დონალდ ტრამპმა შესაძლოა საქართველო რუკაზეც კი ვერ იპოვოს“.