„ლიდერთა საბჭო“ სახელმწიფო უსაფრთხოების სამსხურის ხელმძღვანელის, ვახტანგ გომელაურის პასუხისმგებლობის საკითხს აყენებს.

14 პოლიტიკური პარტიის წარმომადგენელი გომელაურის უწყებას სასამართლო და პოლიტიკურ საკითხებში უხეშ ჩარევაში ადანაშაულებს.

„სამსახური, რომელიც ატარებს არჩევნებს, არჩევს დეპუტატთა კანდიდატურებს, იძახებს მათ დაკითხვაზე და ბოლოს ხოცავს ხალხს, მძინარე ახალგაზრდებს, რაც მოხდა მაჩალიკაშვილის მაგალითზე პანკისში. ხელმძღვანელობა აქამდე გადამდგარი უნდა ყოფილიყო, რომ გააჩნდეთ სულ პატარა ნამუსი,“ - განაცხადა ნათელაშვილმა.

„დემოკრატიული მოძრაობა - ერთიანი საქართველოს“ თავმჯდომარე, ნინო ბურჯანაძე აცხადებს, რომ საბჭო დღეს ამერიკელი კანონმდებლებისადმი გასაგზავნ მიმართვაზეც იმსჯელებს.

„ძალიან მნიშვნელოვანია ის საკითხი, რომელზეც ჩვენ ვმსჯელობდით და რომლის ფინალამდეც მივდივართ, ეს არის სტრასბურგის სასამართლოსი შესატანი სარჩელის საკითხი. სარჩელი პრაქტიკულად მზად არის და ეს სამზადისი არის ძალიან მნიშვნელოვანი იმისათვის, რომ ერთხელ და სამუდამოდ გასმას ძალიან სერიოზულად სტრასბურგის ხმა იმსათან დაკავშირებით, რომ საქართველოში არჩევნები ბოლო წლების განმავლობაში პრაქტიკულად არ ჩატარებულა“, - აცხადებს ნინო ბურჯანაძე.

„საქართველოს ეროვნულ-დემოკრატიული პარტიის“ თავმჯდომარე, ბაჩუკი ქარდავა აღნიშნავს, რომ მმართველი გუნდი არაფორმალურ მმართველთან ერთად, ქვეყანაში დემოკრატიული სტრუქტურების განადგურებას ისახავს მიზნად:

„სამივე ძირითადი საკითხი, რაზეც დღეს გვიწევს საუბარი ეს არის ის, რომ ფაქტობრივად „ქართული ოცნება“ და ჩვენი სახელმწიფოს არაფორმალური მმართველი ცდილობს საქართველოში მოკლას პოლიტიკა, მოკლას დემოკრატიული სტრუქტურები და სწორედ ეს გვაიძულებს ვითანამშრომლოთ მიუხედავად ჩვენს შორის არსებული პოლიტიკური სხვადასხვაობებისა“, - აღნიშნავს ბაჩუკი ქარდავა.