რუსლან ალდამოვის სკანდალური განცხადება - საკიტხზე განმარტებები დღეს პოლიტიკოსებმა გააკეთეს.

დაკავებულის ადვოკატი, მარიამ კუბლაშვილი აცხადებს, რომ მისი დაცვის ქვეშ მყოფის თქმით, სპეცრაზმმა პანკისის სპეცოპერაციის დროს 19 წლის თემირლან მაჩალიკაშვილი შეცდომით, მის ნაცვლად მოკლა.

საპარლამენტო უმრავლესობის წევრის სოფო კილაძის თქმით, ალდამოვის განცხადება მის ეჭვებს გამოხატავს და არგუმენტირებული არ არის:

„ეს ეჭვები რაზე ეფუძნებოდა, ეს ცოტა გაუგებარი იყო ჩემთვის, რაღაც ბუნდოვანი იყო ძალიან, თუ უფრო კონკრეტულ მტკიცებულებებს წარმოადგენენ და უფრო ნათელს მოფენენ ამ საქმეს, რა თქმა უნდა, ჩვენც უფრო გაგვიადვილდება დასკვნის გამოტანა, მაგრამ იქიდან, რაც მოვისმინეთ, ჩემთვის პირადად არ იყო ძალიან დამაჯერებელი,“ - აცხადებს სოფო კილაძე.