„პოროშენკო და მისი მთავრობა უკრაინელების თვალში გამოჩნდნენ, როგორც სრული იმპოტენტები და იდიოტები“

„პოროშენკო და მისი მთავრობა უკრაინელების თვალში გამოჩნდნენ, როგორც სრული იმპოტენტები და იდიოტები“ - სააკაშვილი

პოლიტიკა - 12:21, 26 Jan, 2018

1162

საქართველოს მესამე პრეზიდენტმა და უკრაინის ოპოზიციის ერთ-ერთმა ლიდერმა, მიხეილ სააკაშვილმა "Настоящее Время"-სთან ინტერვიუში უკრაინის პრეზიდენტის ქმედებებზე ისაუბრა. როგორც სააკაშვილმა განაცხადა, იმ ქმედებების გამო, რაც პოროშენკომ მის წინააღმდეგ განახორციელა, უკრაინის პრეზიდენტის რეიტინგი შემცირდა და პოროშენკო და მისი გუნდი ხალხის თვალში იმპოტენტებად გამოაჩინა:

„იმან, რაც ჩემს გარშემო მოხდა, პოროშენკოს და მისი მთავრობის მთლიანი დისკრედიტაცია მოახდინა. ისინი უკრაინის მოსახლეობის უმრავლესობის თვალში გამოჩნდნენ, როგორც სრული იმპოტენტები და იდიოტები. ისინი ჩანდნენ, როგორც ორგანიზებულ დამნაშავეთა ჯგუფი, რასაც ისინი რეალურად წარმოადგენენ. ეს ადამიანები და პოროშენკო უკრაინელების ფსიქოლოგიას კარგად არ იცნობენ. მე უფრო მეტად უკრინელი და უფრო მეტად პატრიოტი ვარ ამ ქვეყნის, ვიდრე ის. აგიხსნით რატომაც. პირველ რიგში იმიტომ რომ ის ვერ უგებს უკრაინელებს, უკრაინელი თავის ბუნებით ისეთია, რომ ავტოტიტარულ რეჟიმს ვერ შეეგუება, ისტორიულად ისინი ვერასოდეს ითმენდნენ უზურპატორებს. ეს არ ესმოდა უკრაინის არცერთ პრეზიდენტს, იშვიათი გამონაკლისის, იუშენკოს გარდა. ყველა მათგანს უნდოდა ამ საბჭოთა გადმონაშთის დანერგვა, პოროშენკომ კი ეს საერთოდ პოლიტიკის რანგში აიყვანა, მისთვის მთავარია ძალაუფლების შენარჩუნება. ეს ძალიან არაუკრაინულია. მეორე - უცხოელებზე საუბარი , ეს რუსეთი არაა. მე კარგად შევისწავლე უკრაინის ისსტორია, უკრაინა მრავალი ეთნიკური ჯგუფისგან შედგება და რუსეთისგან და სხვა მეზობელი ქვეყნებისგან განსხვავებით, მაგალითად ზაპოროჟიეს სეჩში იყვნენ ფრანგები, იტალიელები, ქართველები, დამაარსებელი იყო პოლონელი. პირველი უკრაინული კონსტიტუცია ჩეხმა ფილიპ ორლიკმა დაწერა. უკრაინა ის ქვეყანა არაა, სადაც ეთნიკური წარმომავლობით და უცხოელობით თამაში შეიძლება. ეს არის პოროშენკოსა და მისი ბანდის დიდი შეცდომა. როგორც ამბობენ პატრიოტიზმი ნაძირლების უკანასკნელი თავშესაფარია, ისინი ამის გამოყენებას ცდილობენ, მაგრამ უკრაინა თავშესაფარი არაა. უკრაინელები ძალიან ჭკვიანი და გამოცდილი ხალხია. უკრაინა მართლაც უკანასკნელი melting pot-ია ევროპაში. ეს მრავალეთნიკური ქვეყანაა და ამიტომ იმსახურებს ნდობას სხვა ეთნიკურ ჯგუფებშიც. გუშინ იყო მაიდანზე ხალხის ჩაცხრილვის დღე, იცით იქ პირველი ვინ მოკლეს, სამიდან ორი უკრაინელი არ იყო, ერთი სომეხი და მეორე ბელორუსი. იქ სხვათაშორის ორი ქართველიც დაიღუპა, ერთ-ერთი ჩემი პარტიის აქტივისტიც, რატომ იბრძვის უკრაინის აღმოსავლეთით ამდენი ქართველი, რატომ მიიღეს უკრაინა თავის სამშობლოდ? იმიტომ რომ უკრაინას თავად შეუძლია შვილად მიღება,“ - განაცხადა სააკაშვილმა.