პარტიების მიერ საარჩევნო კამპანიაზე დახარჯული 27 მილიონი ლარიდან 17 მილიონი "ქართულმა ოცნებამ" დახარჯა

პოლიტიკა - 18:47, 25 Jan, 2018

1155

2017 წლის ადგილობრივი თვითმართველობის არჩევნების პერიოდში საარჩევნო სუბიექტებისთვის მოქალაქეებმა და კომპანიებმა ჯამში 16 მილიონი ლარის შემოწირულობა გაიღეს, საიდანაც დაახლოებით, 15 მილიონი „ქართული ოცნებისთვის“ იყო გამოყოფილი. ამის შესახებ ნათქვამია სახელმწიფო აუდიტის სამსახურმა მონიტორინგის შედეგებში რომელიც დღეს გამოქვეყნდდა.

დოკუმენტიდან ირკვევა, რომ საარჩევნო კამპანიაზე ჯამში 27 მილიონი ლარი დაიხარჯა, საიდანაც 17 მილიონი მმართველ გუნდმა გახარჯა.

„დაუდეკლარირებელი თანხების მოძრაობის ალბათობა ყველა არჩევნების დროს არსებობს და აუდიტის სამსახურის მოკვლევის საგანიც არის ყოველთვის მისი აღმოჩენის მცდელობა. დიდი მოცულობის თანხის აღმოჩენა არ დაფიქისებულა და სახელმწიფო აუდიტის სამსახურის რესურსებიდან გამომდინარე, ეს ძალიან რთულიც არის. ჩვენ გვქონდა რამდენიმე შემთხვევა, დამოუკიდებელი კანდიდატების მიერ ხდებოდა ყველაზე მეტად მცირე დარღვევები, იმიტომ, რომ პოლიტიკურმა პარტიებმა უკვე კარგად იციან გასული 6 წლის განმავლობაში მოქმედი რეგულაციების შესახებ,“ - განაცხადა სახელმწიფო აუდიტის სამსახურის პოლიტიკური პარტიების ფინანსური მონიტორინგის სამსახურის უფროსმა, ზურაბ აზნაურაშვილმა.