ოლიგარქები ბოლოს მოუღებენ უკრაინას, ქვეყანა შესაძლოა ნაწილებად დაიშალოს

ოლიგარქები ბოლოს მოუღებენ უკრაინას, ქვეყანა შესაძლოა ნაწილებად დაიშალოს - მიხეილ სააკაშვილი

პოლიტიკა - 09:48, 25 Jan, 2018

1553

საქართველოს მესამე პრეზიდენტი და უკრაინის ოპოზიციის ლიდერი, მიხეილ სააკაშვილი თბილისის საქალაქო სასამართლოს მიერ მის წინააღმდეგ გამოტანილ განაჩეს პოლიტიკურს უწოდებს.

სააკაშვილის თქმით, მისი მმართველობის პერიოდში სასამართლო სისტემა სუსტი იყო, თუმცა ახლა მდგომარეობა ბევრად უარესია.

“დოიჩე ველე“-სთან საქართველოს მესამე პრეზიდენტმა უკრაინაში მის პოლიტიკურ მოღვაწეობაზე გაამახვილა ყურადღება.

„მაიდნის შემდეგ ვერავინ შეძლო კიევის ქუჩებში ამდენი ხალხის მობილიზება, როგორც ეს ჩვენ შევძელით. საზოგადოების თანადგომის გარეშე ჩვენ ბევრს ვერ მივაღწევთ. იმ დროს როდესაც სასამართლო სისტემა მარცხს განიცდის, არ მუშაობს სახელმწიფო ინსტიტუტები, შენი გზავნილის გავრცელების ერთადერთი გზა ხალხთან ურთიერთობაა. მე შემიძლია დღესვე ნებისმიერ სხვა ქვეყანაში წავიდე. მაგრამ როდესაც ოლიგარქები იმარჯვებენ საქართველოში, მოლდოვაში, უკრაინაში და ზოგადად მსოფლიოში, ჩვენ არ გვაქვს უფლება დავნებდეთ. ეს ადამიანების ამცირებენ ხალხს, არიან კორუმპირებულები, ისინი კლავენ ქვეყნების მომავალსა და პერსპექტივებს. ოლიგარქები ბოლოს მოუღებენ უკრაინას, რადგან ქვეყანა შესაძლოა მალე ნაწილებად დაიშალოს. მე არ შემიძლია დავჯდე ჰოლანდიაში და ამ პროცესებს შორიდან ვუყურო. უკრაინას სჭირდება ცვლილებები,“-აცხადებს მიხეილ სააკაშვილი და აბობს, რომ უკრაინის ხელისუფლება ბოლო ერთი წლის განმავლობაში მისი ქვეყნიდან გაძევებას სხვადასხვა უკანონო მეთოდებით ცდილობს.