"ხაჯიმბა ითხოვს კანონმორჩილებას, თავად კი კანონს არღვევს"- დაპირისპირება ოკუპირებული აფხაზეთის დეფაქტო მთავრობაში

პოლიტიკა - 13:23, 24 Jan, 2018

1424

ოკუპირებული აფხაზეთის ყოფილი ე.წ პრემიერ-მინისტრი სერგეი შამბა, მოქმედ ე.წ პრეზიდენტ რაულ ხაჯიმბას გიორგი ლუკავას შეწყალების გამო აკრიტიკებს. აღნიშნულ საკითხზე შამბამ პოლიტიკური პარტიებისა და საზოგადოებრივი მოძრაობების კავშირის შეკრებაზე ისაუბრა. შაბმას ხაჯიმბა ერთპიროვნული გადაწყვეტილების მიღების გამო კანონდარღვევაში დაადანაშაულა და მაგალითად მიხეილ სააკაშვილის საქმეც მოიყვანა, რომელსაც შეწყალების საქმესთან დაკავშირებით საქართველოს სასამართლომ განაჩენი გამოუტანა.

„საქართველოს სასამართლომ სააკაშვილს სამი წელი მიუსაჯა იმისთვის, რომ მან შეწყალების კომისიის გვერდის ავლით ადამიანის მოკვლაში ბრალდებული სამი პოლიციელი შეიწყალა. ხაჯიმბას სიტუაციაში კი თავად კომისიამ დაადასტურა რომ ლუკავას შეწყალების შესაცებ გადაწყვეტილება ხაჯიმბამ ერთპიროვნულად მიიღო“- განაცხადა ე.წ პარტია „ერთიანი აფხაზეთის“ თავმჯდომარე სერგეი შამბამ დღეს გამართულ პრესკონფერენციაზე. მისი თქმით ის არ დავობს იმაზე, რომ ხაჯიმბას შეწყალების უფლება ქონდა, თუმცა მისი განცხადებით ეს გადაწყვეტილება უნდა იყოს გამყარებული თავად მსჯავრდებულის შუამდგომლობით და შეწყალების კომისიის მიერ საქმის მასალების განხილვით. შამბამ გაიხსენა, რომ სერგეი ბაღაფში შეწყალების ან გაცვლის შესახებ გადაწყვეტილებას შეწყალების კომისიასთან კონსულტაციების შემდეგ იღებდა.

„პრეზიდენტი ითხოვს კანონმორჩილებას, თავად კი კანონს არღვევს. ამავდროულად ხელისუფლების წარმომადგენლები დადიან ქვეყანაში და პრეზიდენტის ქმედებებს ამართლებენ. ისინი მთელი ძალებით ებღაუჭებიან ძალაუფლებას.“- განაცხადა შამბამ.