"ბებიას ხელზე ჩალურჯებებს კი ვამჩნევდით, მაგრამ გადასხმებს ვაბრალებდით ხოლმე" - მორიგი სკანდალი კლინიკა "ლანცეტის" ირგვლივ

სოც.მედია - 14:30, 24 Jan, 2018

19973

სოციალურ ქსელ "ფეისბუქში" კლინიკა "ლანცეტის" მიმართ ბრალდებები და აჟიოტაჟი არ წყდება.

ამჯერად, ერთ-ერთი მომხმარებელი ვაკო შმატკოვი კლიკაში არსებულ მდგომარეობაზე წერს.

„ყველაზე არაკვალიფიცირებული პერსონალით გატენილი სანაგვეა კლინიკა ,,ლანცეტი''! სამი წლის წინ ბებია დავაწვინეთ ამ კლინიკაში, რომლის მდგომარეობაც ძალიან მძიმე იყო... დაწვენიდან მეორე დღეს, როდესაც მოსანახულებლად მივედით პალატაში არ დაგვხვდა, რა თქმა უნდა დავიწყეთ ძებნა და ამ უვიცებს გარეთ გამოუყვანიათ იმ მიზეზით, რომ უფრო მძიმე პაციენტი უნდა დაეწვინათ პალატაში (როგორც გავარკვიეთ ვიღაცამ დიდი ფული გადაიხადა და მათვის უბრალო მოხუცი არაფერს წარმოადგენდა) რა თქმა უნდა, ამ ფაქტმა დიდი აჟიოტაჟი გამოიწვია და საბოლოოდ ყველაფერი ნორმაში ჩადგა.. (რომ დაინახეს ამ ადამიანს პატრონი ყავდა) ამის შემდგომ, როდესაც მის სანახავად მივდიოდით ის ყოველთვის გვეუბნებოდა, რომ მას ძალიან ცუდად ეპყრობოდნენ და გვეხვეწებოდა, რომ ამ კლინიკიდან გაგვეყვანა (ბებიას გონება ჰქონდა არეული და გვეგონა უბრალოდ სახლში წაყვანა უნდოდა) ხელზე ჩალურჯებებს კი ვამჩნევდით მაგრამ გადასხმებს ვაბრალებდით ხოლმე...

საბოლოოდ კი დარწმუნებით შემიძლია ვთქვა, რომ ამ ნაბიჭვრების ბრალია, რომ დროზე-ადრე წავიდა ამ ქვეყნიდან ჩემთვის უსაყვარლესი ადამიანი, რომელსაც დედასგან არ გავარჩევდი! მესამე წელია განუწყვეტლივ ვაკვირდები ამ კლინიკას და უკვე ძალიან ბევრი ცუდი შემთხვევა დაფიქსირდა, აქედან ბევრი ფატალურადაც კი დასრულდა..

აუცილებლად უნდა დადგეს საქმე ამ მორგის დახურვის! ერთ-ერთი პირველი ვიქნები ვინც საფუძველს ჩაუყრის ამ ყველაფერს, ჩემი ბებიის და იმ ადამიანების სახელით ვინც ამ კლინიკამ შეიწირა!!!“ - წერს შმატკოვი სოციალურ ქსელში.