,,იბრძოლეთ ამ სახელმწიფოს წინააღმდეგ... ვერცერთმა ხელისუფლებამ ვერ გაიაზრა, რა ხდება, როცა ხალხს თავზე აჯ...ენ“

სოც.მედია - 21:41, 23 Jan, 2018

3948

სასამართლოს მიერ მსახიობ გიორგი გიორგანაშვილისთვის (ბახალას) 8 წლით თავისუფლების აღკვეთის ფაქტს ეხმაურება მსახიობი თინა მახარაძე:

,,ხალხის ნებაზე ძლიერი, ხან სამწუხაროდ და ხან - საბედნიეროდ, არაფერია.

ხალხი კრებითი სახელია და მისი შემასმენელი ყოველთვის მხოლობით რიცხვში დგას: " ხალხი მოვიდა" , "ხალხმა გადაწყვიტა", "ხალხმა გააკეთა". იმიტომ რომ თუ ხალხი რამეს აკეთებს ერთად და ერთხმად, იქ აღარ არსებობს ცალკეული პირების თვითნებობა. ხალხი ერთიანია, ძლიერი და მის ნებას წინ ვერც ერთი ცალკეული სუბიექტი აღუდგება.

ახლა უნდა გავაცნობიეროთ ჩვენი ძალა და ყოველგვარი ყოყმანის გარეშე უნდა გამოხვიდეთ გარეთ. არ უნდა შეწყდეს აქციები. თუ საჭირო გახდა, მე აქედან დავდგები და უამრავს დავიყენებ გვერდით. ხალხმა უნდა ვიბრძოლოთ ყველა უდანაშაულოდ დაჭერილი ადამიანისთვის, ყველა უდანაშაულოდ დაღუპული ადამიანისთვის, ყველა უკანონოდ მოჭრილი ხისთვის, ყველა დამცირების წინააღმდეგ, ყველა წართმეული თეთრისთვის, ყველა უსამართლობის წინააღმდეგ, რაც ამდენი წელია, გინდა ასე შეხედე და გინდაც- ისე , ქართველობას გვართმევს. თუ კი რამე გვართმევს ქვეყანას და ადამიანობას, ეს სახელმწიფოა. იბრძოლეთ ამ სახელმწიფოს წინააღმდეგ ნორმალური ქვეყნისა და არსებობის მისაღებად.

როგორც ჩანს, ვერც ერთმა ხელისუფლებამ, ამხელა გამოცდილების მიუხედავად, ვერ გაიაზრა, რა ხდება, როცა ხალხს თავზე აჯვამენ. მე მგონი, კიდევ ერთი, ამჯერად სრულიად სამართლიანი და განსხვავებული მაგალითია მისაცემი” - წერს თინა მახარაძე სოციალურ ქსელ ფესიბუქში.