რუსთავის მერი ირაკლი ტაბაღუა პოლონეტში ქალაქ ლოძის მერს მოადგილეს შეხვდა

პოლიტიკა - 09:02, 23 Jan, 2018

944

პოლონეთში, სამუშაო ვიზიტის ფარგლებში, რუსთავის მერი ირაკლი ტაბაღუა ბიზნეს სექტორისა და თვითმმართველობის წარმომადგენლებთან ერთად, ქალაქ ლოძის მერს მოადგილეს შეხვდა. შეხვედრაზე ორმხრივი თანამშრომლობის საკითხები და სამომავლო პერსპექტივები განიხილეს. რუსთავსა და ლოძს შორის, დამეგობრების მემორანდუმი 1995 წელს გაფორმდა.

რუსთავის მუნიციპალიტეტის დელეგაცია პოლონეთში 21 იანვარს გაემგზავრა. ქალაქ ლოძის გარდა, რუსთავის მერი ოფიციალურ შეხვედრებს სტალოვა ვოლასა და ლიუბლინშიც გამართავს.

რუსთავის თვითმმართველობისა და ბიზნეს სექტორის წარმომადგენლები პოლონეთში არსებულ ინოვაციურ სერვისებს, მათი დანერგვის სპეციფიკას, ასევე, განხორციელებულ და მიმდინარე რევიტალიზაციის პროცესს გაეცნობიან, რაც 90-იანი წლების ეკონომიკური კოლაფსის შემდეგ, ყოფილი ინდუსტრიული ქალაქების განვითარებას ითვალისწინებს.

რუსთავის მუნიციპალიტეტის მერია ჩართულია პროექტში - „სამთავრობო სერვისლაბის და UNDP-ის პარტნიორობის ექსპერიმენტული მოდელი მმართველობაში განვითარების ახალი სფეროების აღმოჩენისთვის“.

პროექტს გაეროს განვითარების პროგრამა (UNDP) და საქართველოს იუსტიციის სამინისტროს სერვისების განვითარების სააგენტო ახორციელებენ. რუსთავის მერი პოლონეთში ვიზიტს 26 იანვარს დაასრულებს.