საქართველოში საერთაშორისო ექსპერტები ქვეყანაში ზამთრის კურორტების განვითარების პერსპექტივის შესასწავლად ჩამოვლენ. ამის შესახებ განცხადება საქართველოს პრემიერმინისტრმა გიორგი კვირიკაშვილმა ლოზანაში, საერთაშორისო ოლიმპიური კომიტეტის პრეზიდენტთან შეხვედრის შემდეგ განაცხადა.

"განვიხილეთ საქართველოში ზამთრის სპორტის სახეობის განვითარება, პერსპექტივები, ასევე, სამთო ტურიზმის პერსპექტივები და გადაწყდა, რომ საერთაშორისო ოლიმპიური კომიტეტი გამოაგზავნის საქართველოში ექსპერტთა ჯგუფს, რომლებიც შეაფასებენ დღეს არსებულ მდგომარეობას და მათთან ერთად განვიხილავთ განვითარების სტრატეგიას. საბოლოო მიზანი არის, რომ საქართველოში ჩავატაროთ ზამთრის სპორტული ოლიმპიადა," - განაცხადა გიორგი კვირიკაშვილმა.