Facebook-ის შემქმნელი მარკ ცუკერბერგი, 2018 წელს დიდ სიახლეებს აანონსებს, მათ შორის გახლავთ სიახლეების ველში სხვადასხვა საინფორმაციო წყაროების სიახლეების გამოჩენისა და მათი რაოდენობის შემცირების საკითხი. გუშინ გაკეთებული განცხადების მიხედვით კი სანდო საინფორმაციო წყაროებს თავად სოციალური ქსელის მომხმარებლები გამოავლენენ:

„განვაგრძობთ ფოკუსირებას 2018 წელზე, რათა დავრწმუნდეთ, რომ დრო, რომელსაც Facebook-ისთვის ვხარჯავთ, შედეგიანად დახარჯული დროა...

გასულ კვირას განცხადება გავაკეთე სერიოზულ ცვლილებებზე, რათა ფოკუსირება მოხდეს მეგობრებსა და ოჯახის წევრებზე, შედეგად თქვენ იხილავთ ნაკლებ საზოგადო პუბლიკაციებს, მათ შორის სიახლეებს, ვიდეოებსა და შეტყობინებებს ბრენდებისგან. ამ ცვლილებების შემდეგ თქვენ დღეს არსებული 5%-ისა სიახლებიდან, რომელსაც News Feed-ზე ხედავთ, იხილავთ 4%-ს. ეს დიდი ცვლილებაა.

დღეს გაგიმხელთ ჩვენს მეორე მნიშვნელოვან გეგმას: რათა დავრწმუნდეთ, რომ სიახლეები, რომლებსაც თქვენ ხედავთ - მაღალი ხარისხისაა. მე შესაბამის ჯგუფს სამუშაოების ჩატარება ვთხოვე, რათა დავრწმუნდეთ, რომ ჩვენ ყურადღებას მაღალი ხარისხის სიახლეებს ვუთმობთ, რომელიც იმსახურებს ნდობას და არიან ინფორმაციულები. ჩვენ მომავალ კვირას ვიწყებთ გეგმის განხორციელებას.

თანამედროვე მსოფლიოში ძალიან ბევრი სენსაცია, დეზინფორმაცია და პოლარიზაცია არსებობს. სოციალური მედია საშუალებას აძლევს ხალხს ინფორმაცია სწრაფად გაავრცელონ, ვიდრე ოდესმე, თუ ჩვენ ამ პრობლემებს არ აღმოვფხვრავთ, ხელს შევუწყობთ მათ გაძლიერებას. სწორედ ამიტომ არის მნიშვნელოვანი, რომ სიახლეების ველმა პროპაგანდა გაუწიოს მაღალხარისხიან სიახლეებს, რომელიც საერთო შეხედულებების შექმნას შეუწყობს ხელს.

რთული საკითხი, რომლის გადაწყვეტასაც ვცდილობდით, იყო ის თუ როგორ განგვესაზღვრა რა იყო მაღალი ხარისხის. შეგვეძლო თავად მიგვეღო გადაწყვეტილება ამ საკითხში, მაგრამ ეს ის არ არის რაც გვსურს. განვიხილეთ ექსპერტების მოწვევის საკითხიც, რომლებიც შეაფასებდნენ და რეიტინგს შეადგენდნენ, მაგრამ ობიექტური გადაწყვეტილება არ იქნებოდა. ასევე შეგვიძლია გკითხოთ თქვენ, საზოგადოებას და თავად შეადგინოთ რეიტინგი.

გადავწყვიტეთ - თუ საზოგადოება ჩამოყალიბდება, რომელი წყარო იმსახურებს ნდობას, იქნება გაცილებით ობიექტური.

აი, როგორ იმუშავებს ეს. ჩვენი გამოკითხვის ფარგლებში, შევეკითხებით ხალხს იციან თუ არა ამა თუ იმ სიახლეების წყაროს შესახებ და თუ იციან, ენდობიან თუ არა მას. იდეა იმაში მდგომარეობს, რომ გარკვეულ საინფორმაციო ორგანიზაციებს მხოლოდ მათი მკითხველები ენდობიან.

ეს განცხადება არ შეცვლის სიახლეების რაოდენობას, რომელსაც ხედავთ Facebook-ზე. ეს უბრალოდ დააბალანსებს სიახლეებს, რომელსაც ხედავთ, იმ წყაროებზე დაყრდნობით, რომლებსაც თქვენ ენდობით“, - წერს მარკ ცუკერბერგი.