„ნებისმიერი ოპოზიციური პარტიის მხრიდან დარტყმა რუსთავი2-ზე ბიძგის მიმცემი იქნება სახელისუფლო ინტერესებისთვის და აზიანებს ჩვენს საერთო მიზანს“

„ნებისმიერი ოპოზიციური პარტიის მხრიდან დარტყმა რუსთავი2-ზე ბიძგის მიმცემი იქნება სახელისუფლო ინტერესებისთვის და აზიანებს ჩვენს საერთო მიზანს“ - ბაჩუკი ქარდავა

პოლიტიკა - 17:42, 19 Jan, 2018

1167

ტელეკომპანია რუსთავი 2-ის წინააღმდეგ პარტია ,,ევროპული საქართველოს“ მხრიდან გაკეთებულ განცხადებას ფეისბუქის საკუთარ გვერდზე ეხმაურება ეროვნულ-დემოკრატიული პარტიის ლიდერი. ბაჩუკი ქარდავა მიიჩნევს, რომ დამოუკიდებელი ტელეკომპანიის მიმართ მსგავსი ხასიათის პოლიტიკური დარტყმები აზიანებს საზოგადოებისა და ოპოზიციური სპექტრის საერთო მიზანს და ბიძგის მიმცემია სახელისუფლო ინტერესებისთვის

,,მაშინ, როცა ხელისუფლების მიერ მედია ჩახერგილია; როცა ,,ქართული ოცნების“ მმართველობის პირობებში პერმანენტულად მიმდინარეობს ღია თუ ფარული დარტყმები თავისუფალი მედიის წინააღმდეგ; როცა ადგილი აქვს განსხვავებული აზრის მიმართ ქვეყნის ფორმალური თუ არაფორმალური მმართველების მხრიდან აგრესიულ დამოკიდებულებას, რუსთავი 2-ის, როგორც განსხვავებული აზრის მატარებელი, დამოუკიდებელი ტელეკომპანიის მიმართ მსგავსი ხასიათის პოლიტიკური დარტყმები აზიანებს საზოგადოებისა და ოპოზიციური სპექტრის საერთო მიზანს - არ მივცეთ საშუალება ხელისუფლებას განახორციელოს პოლიტიკური ზეწოლა და მოახდინოს რუსთავი 2-ის სარედაქციო პოლიტიკის შეცვლა. მითუფრო, როცა ტელეკომპანიასთან დაკავშირებული პროცესები სტრასბურგის სასამართლოშია გადატანილი, ხოლო ავტორიტეტული საერთაშორისო ორგანიზაცია Human Rights Watch-ი თავის ანგარიშში ხელისუფლების მხრიდან რუსთავი 2-ზე განხორციელებულ ზეწოლას შემაშფოთებელს და მედიის დამოუკიდებელ მუშაობაში ჩარევას უწოდებს. ვფიქრობ, ამ ფონზე ნებისმიერი ოპოზიციური პარტიის მხრიდან ტელეკომპანიაზე დარტყმა მხოლოდ ბიძგის მიმცემი იქნება სახელისუფლო ინტერესებისთვის და დამაზიანებელი საერთო საქმისთვის, როგორიცაა განსხვავებული და თავისუფალი აზრისთვის ბრძოლა“ - აცხადებს ბაჩუკი ქარდავა.