,,სტრასბურგის პროცესების წინ, დარტყმა რუსთავი2-ზე ოპოზიციური პარტიის მხრიდან, საფრთხეს შეუქმნის სიტყვის თავისუფლების ერთადერთ გარანტს“

,,სტრასბურგის პროცესების წინ, დარტყმა რუსთავი2-ზე ოპოზიციური პარტიის მხრიდან, საფრთხეს შეუქმნის სიტყვის თავისუფლების ერთადერთ გარანტს“ - ნიკა მაჭუტაძე

პოლიტიკა - 17:34, 19 Jan, 2018

1551

“რუსთავი 2” არის ერთადერთი მსხვილი მაუწყებელი, რომელიც დგას ოლიგარქატის გავლენის მიღმა და მისი რეპუტაციის, დამოუკიდებლობის ხარისხის ეჭვქვეშ დაყენება არის გაუმართლებელი - ასე ეხმაურება “მოძრაობა სახელმწიფო ხალხისთვის” თავმჯდომარე ნიკა მაჭუტაძე, ფეისბუქის საკუთარ გვერდზე, ,,ევროული საქართველოს“ მიერ რუთავი 2-ის მისამართით გაკეთებულ განცხადებას.

მაჭუტაძე მიიჩნევს, რომ ტელეკომპანიასთან დაკავშირებული პროცესი სტრასბურგში კვლავაც არ დასრულებულა და ნებისმიერი დარტყმა “რუსთავი 2”-ისადმი, განსაკუთრებით, ოპოზიციური პარტიის მხრიდან მხოლოდ დააზიანებს საერთო ბრძოლის შედეგს.

“ევროპული საქართველოს” განცხადების ის ნაწილი, სადაც მითითებულია არხის სარედაქციო პოლიტიკის მიკერძოებულობის შესახებ, არის სავსებით მიუღებელი იმდენად, რამდენადაც ჯერ კიდევ არ დასრულებულა სახელისუფლო წნეხი, პოლიტიკური დევნა და ტელეკომპანიის სარედაქციო პოლიტიკის შეცვლის სურვილი, რომელიც გამოიხატება ანტიდემოკრატიულ და ძალადობრივ ფაქტებში, პოლიტიკურად მოტივირებულ სამართლებრივ პროცესებში.

ჩვენ კარგად გვახსოვს, თუ როგორ ვიბრძოდით ერთად “რუსთავი 2”-ის გადასარჩენად და მაშინ ჩვენმა ბრძოლამ დადო დიდი შუალედური შედეგი - სტრასბურგის სასამართლომ გაითვალისწინა ქართველი ხალხის და მისი დემოკრატიის მოთხოვნა. ამიტომაც, სამართლებრივი აბსურდის გამო, შეაჩერა სამარცხვინო ქართული სასამრთლო სისტემის უკანონო გადაწყვეტილებები.

პროცესი სტრასბურგში კვლავაც არ დასრულებულა და ნებისმიერი დარტყმა “რუსთავი 2”-ისადმი მოცეულ ეტაპზე, განსაკუთრებით, ოპოზიციური პარტიის მხრიდან მხოლოდ დააზიანებს ჩვენი საერთო ბრძოლის შედეგს და მნიშვნელოვან საფრთხეს შეუქმნის სიტყვის თავისუფლებას და მის, ფაქტობრივად, ერთადერთ გარანტს საქართველოში“ - ნათქვამია ნიკა მაჭუტაძის განცხადებაში.