,,რუსთავი2-ზე თავდასხმა სტრასბურგის სასამართლოს განხილვების წინ, სრულიად უსარგებლოა ოპოზიციური პარტიის მხრიდან“

,,რუსთავი2-ზე თავდასხმა სტრასბურგის სასამართლოს განხილვების წინ, სრულიად უსარგებლოა ოპოზიციური პარტიის მხრიდან“ - გიორგი ვაშაძე

პოლიტიკა - 17:30, 19 Jan, 2018

1849

ტელეკომპანია რუსთავი 2-ის მიმართ „ევროპული საქართველოს“ მიერ გაკეთებულ განცხადებას ოპოზიციური პარტიების რიგებიდან ეხმაურებიან. საუბარია NDI-ს კვლევის შედეგებზე.

პარტია „ახალი საქართველოს“ ლიდერი „ნიუპოსტთან“ საუბრისას აღნიშნავს, რომ რუსთავი 2-ზე თავდასხმა, სტრასბურგის სასამართლოში ჩანიშნული განხილვების ფონზე, ოპოზიციური პარტიის მხრიდან არასწორია:

“პირველ რიგში, რაც შეეხება NDI-ს შედეგს, ნათელი მაგალითია, ნაცვლად იმისა, რომ პოლიტიკური პარტიები დამნაშავეებს ეძებდნენ სხვადასხვა კვლევებში თუ მედია საშუალებებში, სჯობს მივხედოთ იმას, რომ სტრატეგიაა შესაცვლელი ოპოზიციური პარტიების მხრიდან იმისთვის, რომ რეალურად ხელისუფლება შეიცვალოს ქვეყანაში, თუ პოლიტიკურ პარტიებს რეალურად ეს ინტერესი აქვთ. რაც შეეხება რუსთავი 2-ზე თავდასხმას, სტრასბურგის სასამართლოს განხილვების წინ ასეთი განცხადებების გაკეთება დამოუკიდებელ მედიაზე, აბსოლუტურად უსარგებლო და კონტრპროდუქტიულია, ასევე არასწორია ოპოზიციური პოლიტიკური ძალების მხრიდან“, - აღნიშნავს გიორგი ვაშაძე.