"ნუ გადადებთ ხვალინდელი დღისთვის, შეამოწმეთ, ვინც მსგავსი გამაცხელებლებით სარგებლობთ!“

სოც.მედია - 12:02, 19 Jan, 2018

22240

ფეისბუკმომხმარებელი ნინო ჯავახიშვილი სოციალურ ქსელში ფოტოს ავრცელებს, სადაც ჩანს, რომ წყლის გამაცხელებლის ნამწვის გამწოვ მილში ჩიტებს ბუდე აქვთ გაკეთებული. როგორც მისი ნაამბობიდან ჩანს, სწორედ ეს გახდა მისი მეგობრის გარდაცვალების მიზეზი. ნინო ჯავახიშვილი სახოგადოებას მოუწოდებს, რომ წყლის გამაცხელებლები შეამოწმონ, რათა ისინიც არ აღმოჩნდნენ მსგავსი საფრთხის წინაშე:

„ძალიან მიჭირს საჭირო სიტყვების პოვნა იმისთვის,რომ მიგახვედროთ,რა ძნელი ყოფილა მეგობრის დაკარგვა. ამ დღეებში ყველა დავიცალეთ ემოციებისგან,ყველა სიტყვა ვთქვით,ყველა ცრემლი დავღვარეთ,ყველა ჯავრი ამოვთქვით,ყველა ჭრილობა გვეტკინა და ყველას შეგვძულდა ჩიტები... ჩვენ საოცრად კარგი მეგობარი გვყავდა-გულიანი,მხიარული,კეთილი,სიცოცხლეზე,საკუთარ მიწა-წყალსა და ბუნებაზე უზომოდ შეყვარებული და ... გაგვიფრინდა! ჩიტებმა ფრენა ასწავლეს და წაიყვანეს! ამ სურათზე ალბათ ხედავთ, რა აღმოჩნდა სამზარეულოში დამონტაჟებულ წყლის გამაცხელებელში - ჩიტების ბუდე... ძალიან გთხოვთ, ნუ გადადებთ ხვალინდელი დღისთვის, მოხსენით, შეამოწმეთ და გაწმინდეთ, ვინც მსგავსი გამაცხელებლებით სარგებლობთ! დაიცავით უსაფრთხოება, გაუფრთხილდით თქვენი და თქვენი ახლობლების სიცოცხლეს! არ გვინდა, სხვებმაც იგემონ ასეთი სიმწარე, არავინ გვემეტება ასეთი ტკივილისთვის,არავის ვუსურვებთ ამის საკუთარ თავზე გამოცდას!!!"