რუსთავში, ე.წ. „სტამბოლის ბაზრის“ დირექტორის, სამსონ ქუთათელაძის საქმეზე მიმდინარე გამოძიების ფარგლებში დაკავებული გიორგი ჭანტურიას მეუღლე მათ სახლში ჩატარებულ ჩხრეკაზე პირველ კომენტარს აკეთებს.

ანა ხურციას თქმით, ჩხრეკის დროს მართლსაწინააღმდეგო არაფერი ამოუღიათ.

„ბრალდება არის აბსოლუტურად აბსურდული. ამოღებულიაო 6 ვაზნა, რაზეც ჩემი მამამთილი ადასტურებს, რომ ეს მას ეკუთვნის. ასე, რომ იმედი მაქვს, რომ ყველაფერი გაირკვევა,“ - განაცხადა ანა ხურციამ.

ანა ხურციას თქმით, ქუთათელაძის გვარი აქამდეც გაგონილი ჰქონდა, თუმცა წილების გასხვისებასთან დაკავშირებით არაფერინ იცის: "ქუთათელაძის გვარი ყურმოკვრით მქონდა გაგებული, ერთ-ერთი მეწილე არისო".

გიორგი ჭანტურია სამართალდამცველებმა გენერალ სამსონ ქუთათელაძის მკვლელობის საქმეზე დაკითხეს, დაკითხვის შემდეგ კი ჭანტურიას მშობლების სახლში ჩატარდა ჩხრეკა. საგამოძიებო მოქმედებების შედეგად ამოღებულია "მაკაროვის" ტიპის იარაღის 9 ვაზნა. ადვოკატების ინფორმაციით, ჭანტურიას გამოძიება სწორედ საბრძოლო მასალის უკანონო შენახვას ედავება.

ჭანტურიას დის თქმით, პოლიცია ყოფილი პროკურორისგან გენერალ ქუთათელაძის მკვლელობის აღიარებას ითხოვდა.