NDI-მ დღეს საზოგადოებრივი კვლევის პოლიტიკური ნაწილის შედეგები გამოაქვეყნა. აღნიშნულს აფასებს საქართველოს პარლამენტის ვიცე-სპიკერი თამარ ჩუგოშვილი და აღნიშნავს, რომ პარლამენტი გარკვეული მიმართულებებით უნდა გააქტიურდეს:

“ტენდენცია, რომ მაჟორიტარი დეპუტატები ასე ვთქვათ სრულად მოსახლეობას ვერ ფარავენ, ეს არის სამწუხარო, მაგრამ ეს ყოველთვის არსებობდა, თუმცა, მეტი კომუნიკაცია, მეტი ჩართულობა და განცდა იმისა, რომ ამომრჩეველს შეუძლია ხმა მიაწვდინოს მაჟორიტარ კანდიდატს, არის ძალიან მნიშვნელოვანი, მე ვფიქრობ, ამ კუთხით გასაკეთებელია ბევრი რამ და პარლამენტი ამ მიმართულებით უნდა გააქტიურდეს“, - აღნიშნავს თამარ ჩუგოშვილი.