„ქართული ოცნების“ წარმომადგენელი, დეპუტატი გუგული მაღრაძე NDI-ს კვლევის პოლიტიკური ნაწილის შედეგებს, კონკრეტულად, მაჟორიტარი დეპუტატების მოსახლეობის მხრიდან ცნობადობის საკითხს აფასებს და მიიჩნევს, რომ იმ შემთხვევაში, თუ ადამიანმა არ იცის, მისი მჟორიტარი დეპუტატი ვინაა, შესაძლოა, მას არ აქვს პრობლემა.

„თუკი ადამიანმა არ იცის, ვინ არის მისი მაჟორიტარი, შეიძლება ეს იმას მოწმობდეს, რომ მას არ ჰქონდა ისეთი პრობლემა, რომ დასჭირვებოდა მაჟორიტარი, ამ თვალსაზრისით, ძალიან ბევრი ქვეყანა არის, სადაც გარკვეულმა რაოდენობამ იცის, ვინც პოლიტიკურად აქტიურია, მაგრამ მოსახლეობის დანარჩენი ნაწილი თავისი პრობლემებით არის დაკავებული, იგივე, საკონსტიტუციო ცვლილებებსი შესახებ, აქაც ასეა, კონსტიტუცია ქვეყნის ძირითადი კანონია, შემდეგ ის მოქმედებს როგორი იქნება ჩვენი ცხოვრება, მაგრამ არცევნებზე მოსულთა რიცხვი საშუალოდ არის ხოლმე 40-50%, ეს ერთი მხრივ მიუთითებს იმას, რომ ადამიანებს აქვთ თავისი პრობლემები, შეიძლება იმაზეც მიუთითებს, რომ არ აინტერესებს“, - აღნიშნავს გუგული მაღრაძე.