პუშკინის ქუჩაზე მიწის ნაკვეთის გასხვისებაზე გამოკითხულთა 58% ინფორმირებული იყო

პუშკინის ქუჩაზე მიწის ნაკვეთის გასხვისებაზე გამოკითხულთა 58% ინფორმირებული იყო - NDI-ის კვლევა

პოლიტიკა - 11:27, 18 Jan, 2018

546

ეროვნულ-დემოკრატიული ინსტიტუტის (NDI) საზოგადოებრივი აზრის კვლევის თანახმად, კითხვაზე იცოდნენ თუ არა 10 ოქტომბერს თბილისის საკრებულოს გადაწყვეტილება, რომლის მიხედვითაც, პუშკინის ქუჩაზე 1900 კვადრატული მეტრი მიწის ნაკვეთი ერთ ლარად გადასცა შპს „თბილისი სითის“, გამოკითხულთა 58% აცხადებს, რომ ამის შესახებ იცოდა.

გამოკითხულთა 39 პროცენტმა საკრებულოს გადაწყვეტილების შესახებ არ იცოდა. კითხვაზე პასუხი არ ჰქონდა 2%-ს.

აღნიშნულის შესახებ 58%-დან, ვისაც სმენია გადაწყვეტილების შესახებ მისაღებია თუ მიუღებელია საკრებულოს ეს გადაწყვეტილება, გამოკითხულთა 19% აცხადებს, რომ მისაღებია, 79%-ისთვის კი მიუღებელია, კითხვაზე პასუხი არ აქვს 6%-ს.

NDI-ის კვლევის თანახმად, კითხვაზე ცვლილებები კონსტიტუციაში სრულად ასახავს, ნაწილობრივ თჺ საერთოდ არ ასახავს მოქალაქეების შეხედულებებს, დეკემბერში გამოკითხულთა 6%-მა აღნიშნა, რომ სრულად ასახავს, 47%-ის აზრით – ნაწილობრივ ასახავს, 32% მიიჩნევს, რომ საერთოდ არ ასახავს, 15%-მა არ იცის.

კვლევის საველე სამუშაოები ჩატარდა 29 ნოემბერი-19 დეკემბრის პერიოდში, საქართველოს მასშტაბით (ოკუპირებული ტერიტორიების გამოკლებით), 2 298 პირისპირ ინტერვიუს წარმომადგენლობითი შერჩევის საფუძველზე.

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC-საქართველო.