27% "ქართული ოცნება", 10% - ენმ, 3% - "ევროპული საქართველო"

27% "ქართული ოცნება", 10% - ენმ, 3% - "ევროპული საქართველო" - NDI კვლევა

პოლიტიკა - 11:13, 18 Jan, 2018

2027

NDI კვლევის თანახმად, კითხვაზე რომელი პარტია დგას თქვენს შეხედულებებთან ყველაზე ახლოს „ქართული ოცნება“ გამოკითხულთა 31%-მა დაასახელა, 30%- არცერთი, 12%-მა პასუხზე უარი განაცხადა, 10 %-ის აზრით ასეთი პარტია „ერთიანი ნაციონალური მოძრაობაა, 5%-მა არ იცის, 4%-ს ასეთ პარტიასდ ევროპული საქართველო მიაჩნია, 3%-ს კი პატრიოტთა ალიანსი. სხვა პარტიები დაასახელა გამოკითხულთა 6%-მა.

ხოლო კითხვაზე, ხვალ რომ საპარლამენტო არჩევნები ტარდებოდეს, რომელ პარტიას მისცემდით ხმას „ქართული ოცნება“ დაასახელა 27%-მა, არცერთი პარტია 24%-მა. არ იცის 15%-მა და პასუხზე უარს ამბობს 13%. „ერთიან ნაციონალურ მოძრაობას“ მისცემდა ხმას 10%, სხვა პარტიებს 7%.

აღნიშნული გამოკითხვა 2017 წლის 29 ნოემბერი - 19 დეკემბრის პერიოდში, საქართველოს მასშტაბით 2,298 პირისპირ ინტერვიუს წარმომადგენლობითი შერჩევის საფუძველზე, ქვეყნის ქართულ, სომხურ და აზერბაიჯანულენოვან მოსახლეობას შორის ჩატარდა (ოკუპირებული ტერიტორიების გამოკლებით). კვლევაში საშუალო ცდომილების ზღვარი არის +/- 1.9 პროცენტი.

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით და ატარებს CRRC საქართველო.