„მკვლელს მარეკთან ადრეც ჰქონდა კონფლიქტი“ - დუდაევის ყოფილი ცოლი მკვლელობის დეტალებს ჰყვება

პოლიტიკა - 12:57, 17 Jan, 2018

1655

ოკუპირებულ ცხინვალის რეგიონში, მარეკ დუდაევის მკვლელობასთან დაკავშირებით დამატებითი დეტალები ხდება ცნობილი.

დუდაევის ყოფილი ცოლის, მარფა ვაზაგოვას თქმით, დუდაევს და მკვლელს ადრე კონფლიქტი ქონდათ, თუმცა ვაზაგოვას კონფლიქტის მიზეზი არ დაუკონკრეტებია.

„პირი, რომელმაც დუდაევს ესროლა, როგორც ჩანს, ამ კონფლიქტის შემდეგ შეშინებული იყო. ის მასთან ფერმაში მივიდა და მარეკს უკნიდან, თავში ესროლა.“- განაცხადა ვაზაგოვამ.

მარეკ დუდაევის ცხედარი სოფელ არცევში, სოფლის კლუბის ყოფილ შენობაში გუშინ აღმოაჩინეს, მას სამი ტყვია აქვს მოხვედრილი. როგორც საოკუპაციო რეჟიმმის ე,წ შსს აცხადებს წინასწარი ინფორმაციით მარეკ დუდაევი თანასოფლელმა მოკლა.

ცხინვალში მცხოვრები მარეკ დუდაევი ქართველმა სამართალდამცავებმა 2004 წელს დააკავეს, რის შემდეგაც სასამართლომ დამნაშავედ სცნო მკვლელობაში, ყაჩაღობასა და ფულის გამოძალვაში. 2005 წლის 25 ნოემბერს საქართველოს უზენაესმა სასამართლომ 23 წლით თავისუფლების აღკვეთა მიუსაჯა. 2012 წლის ზამთარში, დუდაევს ჯერ საყოველთაო ამნისტია შეეხო და სასჯელის ვადა 10 წლით შეუმცირდა, შემდეგ კი სისხლის სამართლის კოდექსის 59-ე მუხლის მეორე ნაწილის ცვლილების გამო , რომელიც დანაშაულთა შეკრებითობას პრინციპის , სასჯელთა შთანთქმის პრინციპით შეცვლას გულისხმობდა , ცნობილი პატიმარი ციხიდან გათავისუფლდა.