საქართველოს პრეზიდენტის გიორგი მარგველაშვილის მიერ მიხელ სააკაშვილთან დაკავშირებით გაკეთებულ განცხადებებს, სახელმწიფო დაცვის სამსახურის ყოფილი უფროსი თემურ ჯანაშია ეხმაურება და მარგველაშვილის შეფასებებს წინასაარჩევნო კამპანიას უწოდებს.

„როდესაც ლეგალურად იხარჯება ეს ხარჯები, პრეზიდენტის განკარგულებით, ჩართულია სახელმწიფოს სხვადასხვა აღმასრულებელი შტოები და მხოლოდ ჯანაშიას დასდევ, რატომ შეასრულე ეს განკარგულებაო, ესეც სასაცილოა რა თქმა უნდა, მაგრამ როგორც ჩანს, პრეზიდენტი იმდენად ვერ იტანს მიხეილ სააკაშვილს, რომ მას არ აინტერესებს სამართლიანობის პროცესი როგორ გაგრძელდება სასამართლოში და ამით ხელს უწყობს პროკურატურას და მალავს იმ განკარგულებებს, რომელიც გამოიცა 2013 წელს მიხეილ სააკაშვილის მიერ,“ - განაცხადა თემურ ჯანაშიამ.