"ანა დოლიძეს პარლამენტში დახვდა აგრესია, შეურაცხყოფა და მდაბიო, მოძველბიჭო ურთიერთობა"

"ანა დოლიძეს პარლამენტში დახვდა აგრესია, შეურაცხყოფა და მდაბიო, მოძველბიჭო ურთიერთობა" - პრეზიდენტი

პოლიტიკა - 23:30, 16 Jan, 2018

1833

პრეზიდენტის მიერ ანა დოლიძის იუსტიციის საბჭოს წევრად წარდგენასთან დაკავშირებით ოპოზიციის მხრიდან წამოსულ კრიტიკას გიორგი მარგველაშვილი გადაცემა „არჩევანში“ გამოეხმაურა. მარგველაშვილის თქმით, მის ყოფილ საპარლამენტო მდივანს უკვე პოლიტიკური ნეიტრალიტეტი აქვს და უმრავლესობის წევრების კრიტიკა რომ ანა დოლიძე მიუკერძოებელი ვერ იქნება და იუსტიციის საბჭოში პოლიტიკას შეიტანს საფუძველს მოკლებულია:

„ანა დოლიძეს არ ექნება და არც აქვს იმის მოლოდინი, რომ ჩემგან რამე პოლიტიკური მესიჯი ჰქონდეს. დღევანდელი დღიდან ის არის იუსტიციის საბჭოს წევრი და აღარ არის პრეზიდენტის ადმინისტრაციის წევრი. შესაბამისად, მას აქვს პოლიტიკური ნეიტრალიტეტი. ანა დოლიძე მივიდა პარლამენტში რამდენჯერმე და პარლამენტში დახვდა აგრესია, შეურაცხყოფა და მდაბიო, მოძველბიჭო ურთიერთობა. ანა დოლიძემ მარტომ, ტრიბუნასთან მდგარმა, მოახერხა და ყველა ამ ადამიანებს, რომელთაც აქვთ სურვილი, რომ მედიის მეშვეობით, რაღაც მდარე განცხადებები აკეთონ, ერთმა ქალბატონმა, მაღალმა კვალიფიციურმა იურისტმა, ეს ყველაფერი იქვე იმ სივრცეში დაულაგა ამ ადამიანებს,“ - განაცხადა გიორგი მარგველაშვილმა.