"ოცნებას საპრეზიდენტო კანდიდატი არ ჰყავს და დაიწყეს პრეზიდენტის შავი პიარი"- მარგველაშვილი შეწყალების საქმეზე კრიტიკას პასუხობს

პოლიტიკა - 22:05, 16 Jan, 2018

2688

საქართველოს პრეზიდენტი მის მიერ შეწყალებულ პატიმრებთან დაკავშირებით მის წინააღმდეგ წამოსულ კრიტიკას და ამ თემასთან დაკავშირებით ტელეკომპანია „იმედის’ მიერ მომზადებულ სიუჟეტს გამოეხმაურა. გიორგი მარგველაშვილის თქმით, ის შეწყალების შესახებ გადაწყვეტიებას კომისიის რეკომენდაციით იღებს, სიუჟეტის გზავნილი კი იყო ის, რომ თითქოს მარგველაშვილის მიერ პატიმრების შეწყალების გამო კრიმინალები ქუჩაში დარბიან. საქართველოს პრეზიდენტი მის წინააღმდეგ აგორებულ კამპანიას საპრეზიდენტო საარჩევნო კამპანიის ნაწილად მიიჩნევს და აცხადებს, რომ ოცნებას საპრეზიდენტო კანდიდატი არ ჰყავთ და ამის გამო პრეზიდენტის შავი პიარი დაიწყეს:

„შეწყალების საქმე არ არის მათი ან მათი ოჯახების შეურაცხყობა, მას სხვა ლოგიკა აქვს. არის მცდელობა, რომ მე განვიხილო კონკრეტული საქმეები პირდაპირ ეთერში, რაც მიმაჩნია, რომ ამორალურობაა. ტრაგედიები ორივე მხარესაა, სიუჟეტი იყო ისეთი, რომ თითქოს აი შეიწყალეს და ქუჩაში დარბიან კრიმინალები. ყველა საქმე რომელიც იყო ნახსენები, იყო კომისიის რეკომენდაციით. ქართულმა ოცნებამ დაიწყო საპრეზიდენტო საარჩევნო კამპანია და ამით გვაჩვენა რომ საპრეზიდენტო კანდიდატი არ ჰყავთ და დაიწყეს პრეზიდენტის შავი პიარი.“- განაცხადა გიორგი მარგველაშვილმა.