საქართველოს პარლამენტის ვიცე-სპიკერი თამარ ჩუგოშვილი NDI-ს კვლევის შედეგებს ეხმაურება. ჩუგოშვილის განცხადებით, მსგავსი კვლევები შესაძლებლობაა, რათა მოსახლეობის განწყობებს გადახედონ. თამარ ჩუგოშვილის განცხადებით, კვლევის შედეგების მიხედვით რამდენიმე ახალი პრობლემა გამოიკვეთა:

“მთავრობის საქმიანობის მიმართ გაზრდილია მოსახლეობის შეფასების დამოკიდებულება, ასევე ჩატარებული თვითმმართველობის არჩევნების მიმართ საკმაოდ მაღალი ნდობაა გამოცხადებული ამ კვლევის მიხედვით. რაც შეეხება საგარეო პოლიტიკას, საქართველოში მუდმივად არის მაღალი მხარდაჭერა როგორც ევროკავშირის ასევე ნატო-ს მიმართ, ეს სტაბილურად მაღალი რიცხვია, ზოგიერთ წევრ ქვეყანაზე მაღალიც კი, შეიძლება ამის თამამად თქმა. თუმცა კონკრეტულად ის საკითხი, რომელიც შეეხება სამხედრო ძალების სიძლიერეს, ჩემთვის რთული სათქმელია, რამ გამოიწვია ასეთი პასუხი, შეიძლება ეს განპირობებული იყოს იმით, რომ საქართველოსთვის, რა თქმა უნდა, საფრთხეს რუსეთის არმია წარმოადგენს და შესაბამისად, მათი ძალა ჩვენთვის უფრო სახიფათოა”,- აღნიშნა ჩუგოშვილმა.