საქართველო კვლავ ნაწილობრივ თავისუფალი ქვეყნების სიაშია

საქართველო კვლავ ნაწილობრივ თავისუფალი ქვეყნების სიაშია - Freedom House

პოლიტიკა - 10:25, 16 Jan, 2018

1124

საერთაშორისო უფლებადამცველი ორგანიზაცია Freedom House-ი მორიგ ანგარიშს აქვეყნებს. ორგანიზაციის ანგარიშის თანახმად, საქართველო 64 ქულით კვლავ ნაწილობრივ თავისუფალი ქვეყნების კატეგორიაში რჩება.

პოლიტიკური ასევე სამოქალაქო თავისუფლების კუთხით, საქართველოს 3 ქულა აქვს მინიჭებული.

საქართველო იმ ქვეყნების ჩამონათვალში შევიდა, რომლებიც 2018 წელს საერთაშორისო საზოგადოების მხრიდან განსაკუთრებულ დაკვირვებას საჭიროებს, რადგან მომავალი წელი “ქვეყნის დემოკრატიული კურსისთვის, შესაძლოა, გარდამტეხი აღმოჩნდეს”.

"ფრიდომ ჰაუსის" გამოქვეყნებულ ანგარიშში 195 ქვეყანა და 15 ტერიტორიაა შეფასებული.

“საქართველო ატარებს რეგულარულ და პლურალისტურ არჩევნებს და მისი დემოკრატიული ტრაექტორია, ბოლო წლებში, მნიშვნელოვნად გაუმჯობესდა. თუმცა, ოლიგარქიული აქტორები პოლიტიკასა და პოლიტიკურ არჩევანზე ზედმეტ გავლენას ახდენენ, ხოლო სასამართლო დამოუკიდებლობა კვლავაც აღმასრულებელი და საკანონმდებლო ინტერესებს აძლიერებს" - ნათქვამია ანგარიშში.

საქართველოს ნაწილში, ყოველწლიური ანგარიში ორ მოვლენას გამოყოფს - საკონსტიტიუციო ცვლილებებს და თბილისიდან აზერბაიჯანელი ჟურნალისტის და აქტივისტვის აფგან მუხთარლის გაუჩინარებას.

ანგარიშში ნათქვამია, რომ მმართველი „ქართული ოცნების“ მთავრობის მიერ მიღებული საკონსტიტუციო ცვლილებები დიდი გამოწვევა იქნება საქართველოს ოპოზიციისთვის, რამაც, შესაძლებელია მომდევნო წლებში პარტიის კონტროლი კიდევ უფრო გაამყაროს.