დედაქალაქის მიწათსარგებლობის გენერალური გეგმა - თბილისის მერია გენგეგმაში არსებული ხარვეზების გამოქვეყნებას დღეს აპირებს. გენერალური გეგმა 6 ეტაპისგან შედგება და ხარვეზები საბოლოო ეტაპზე სამჯერ დაფიქსირდა. აღნიშნულის გამო, გეგმაზე მომუშავე კომპანია 140 ათასი ლარით დაჯარიმდა. დოკუმენტის სრულყოფისათვის „სითი ინსტიტუტმა“ 45 დღე ითხოვა:

„ძირითადად დასაბუთებები უნდათ, რატომ მოხდა ეს ცვლილებები. იქ არის რაღაც შენიშვნები ზონირებასთან, არის კიდევ ტრანსპორტის ნაწილში. ზოგიერთ ზონაზე აქვთ, როგორც მე ვნახე. ჩვენ მასზე გვაქვს ძალიან მყარი არგუმენტები, რომ ამიტომ და ამიტომ სასურველია ეს ზონა იყოს ამ სახეობის," - განმარტავს კომპანია ”სითი ინსტიტუტ საქართველოს“ დირექტორი მერაბ ბოლქვაძე.