ოკუპირებული ცხინვალის დეფაქტო ლიდერის შეხვედრა სერბეთის პატრიარქთან

ოკუპირებული ცხინვალის დეფაქტო ლიდერის შეხვედრა სერბეთის პატრიარქთან - რას აცხადებენ საქართველოს საპატრიარქოში

პოლიტიკა - 19:16, 13 Jan, 2018

1905

მედიით გავრცელებულ ინფორმაციას, რომლის მიხედვითაც ოკუპირებული სამხრეთ ოსეთის დე ფაქტო პრეზიდენტი ანატოლი ბიბილოვი სერბეთის პატრიარქ ირინეოსს შეხვდა, საქართველოს საპატრიაქრო სერბეთის საპატრიარქოსთან არკვევს.
პროტოპრესვიტერი გიორგი ზვიადაძე ამბობს, რომ საკითხში გარკვევის შემდეგ საქართველოს ეკლესია თავის პოზიციას დააფიქსირებს.
"საპატრიარქო ამ ყველაფერს არკვევს“, - განაცხადა ზვიდაძემ.

ანატოლი ბიბილოვისა და სერბეთის პატრიარქ ირინეოსს შეხვედრრის შესახებ ინფორმაცია სააგენტო „რესსმა“ ბიბილოვის პრესმდივან დინა გასიევაზე დაყრდნობით გაავრცელა.
მარიონეტული რეჟიმის წარმომადგენელი ირწმუნება, რომ შეხვედრა სერბეთის პატრიარქის რეზიდენციაში გაიმართა.
„პრეზიდენტმა მის უწმინდესობას აუდიენციისთვის მადლობა გადაუხადა და მას შობის ბრწყინვალე დღესასწაული მიულოცა. ანატოლი ბიბილოვმა აღნიშნა ის მნიშვნელოვანი როლი, რომელსაც მართლმადიდებლობა სამხრეთ ოსეთის ხალხის ისტორიაში და თანამედროვე საზოგადოებრივ ცხოვრებაში ასრულებს. მან ასევე ყურადღება გაამახვილა იმაზე, რომ მართლმადიდებლობის პრიორიტეტული როლი ასახულია რესპუბლიკის კონსტიტუციაში... პატრიარქ ირინეოსმა, თავის მხრივ, ანატოლი ბიბილოვს და სამხრეთ ოსეთის მოსახლეობას მშვიდობა, სიკეთე და აყვავება უსურვა”,- აღნიშნავენ ე.წ. პრეზიდენტის პრესსამსახურში.