„ძალადობას საქართველოში ბევრი მომხრე ჰყავს, პოპულარულობის მოსაპოვებლად ძალის გამოყენებას ეწირებიან ახალგაზრდები“

სოც.მედია - 12:00, 11 Jan, 2018

1148

განათლების მინისტრის ყოფილი მოადგილე სიმონ ჯანაშია საქართველოში მიმდინარე პროცესებს სოციალურ ქსელში ეხმაურება.

"რატომ ჩატარდა რეიდები? რატომ სცემეს მოქალაქეებს ქუჩებში? რატომ გადაწყვიტეს სპეცოპერაციების მოწყობა პანკისში? რატომ გაუხარდა ოცნების პარტ-აქტივისტებს, პრემიერ მინისტრის აგრესიული ქცევები პარლამენტში?

იმიტომ, რომ ხელისუფლებას აკრიტიკებდნენ, რომ უნიათოები არიან, რომ კრიმინალმა მოიმატა, რომ მოქალაქეები დაუცველები არიან.

ძალოვანების ძალადობის ტალღას წინ უსწრებდა არასწრულწლოვნების მკვლელობა, გაწელილი და არაორგანიზებული სპეცოპერაცია იმ კრიმინალების დასაჭერად, რომლებიც თავად გამოუშვა ამ ხელისუფლებამ ციხიდან.

სამწუხაროდ, ძალადობას საქართველოში ბევრი მომხრე ყავს. ძლიერი ხელი და მაგარი ბიჭობა კი პოლიტიკოსების რეიტინგის ერთ-ერთი საფუძველია. პოპულარულობის მოსაპოვებლად ძალის გამოყენებას კი ეწირება ახალგაზრდები, იკლებს პოლიციის მიმართ ნდობა და პოლიტიკური პროცესის ფოკუსი ხდება არა ის ძირეული პრობლემები, მაგალითად, ბუნებრივი გარემოს დაზიანება, სამხედრო ოკუპაცია, ეკონომიკური სტაგნაცია, კულტურული მემკვიდრეობის განადგურება, განათლების სისტემის განუვითარებლობა და სხვ. არამედ შსს მინისტრისა და პრემიერ მინისტრის ურთიერთობები, ბატონი ბიძინას ოცნებები და იუსტიციის მინისტრის ღვარძლი" - წერს სიმონ ჯანაშია.