საქართველოს პრემიერ-მინისტრის თქმით, ქისტი თანამემამულეების სიმტკიცესა და ერთგულებაში ეჭვი არავის შეაქვს. აღნიშნული განცხადება გიორგი კვირიკაშვილმა დღეს მთავრობის სხდომის დაწყებამდე გააკეთა.

„მინდა, ჩემი პატივისცემა დავუდასტურო ჩვენს ქისტ თანამემამულეებს, რომლებმაც საუკუნეების განმავლობაში, თავიანთი დამოკიდებულებით, არაერთხელ დაამტკიცეს საქართველოსა და მისი ინტერესების ერთგულება. ამ სიმტკიცეში არავის შეაქვს ეჭვი და გარწმუნებთ, რომ აქ ბზარის შეტანა შეუძლებელია.

ჩვენს საზოგადოებას კარგად ესმის, რომ სახელმწიფო პასუხისმგებელია საკუთარი მოქალაქეების უსაფრთხოებაზე და ჩვენი სპეცსამსახურები ყველაფერს გააკეთებენ ამ უპირველესი ვალდებულების უზრუნველსაყოფად.“- განაცხადა გიორგი კვირიკაშვილმა,