19 წლის ბიჭის მკვლელობა სახიფათო ვითარებას ქმნის და პასუხისმგებლობას ხელისუფლების ვერც ოფიციალურ, ვერც არაოფიციალურ მაღალ ეშელონებში ვერ აირიდებთ!

პოლიტიკა - 19:27, 10 Jan, 2018

2853

პანკისის სპეცოპერაციისას სასიკვდილოდ დაჭრილი 19 წლის თემირლან მაჩალიკაშვილის გარდაცვალების ფაქტს ეროვნულ დემოკრატიული პარტიის ხელმძღვანელი ტრაგედიას უწოდებს და იმ საფრთხეებზე საუბრობს, რომელიც ამ ფაქტის გამოყენებით შესაძლოა რუსეთმა შეუქმნას საქართველოს. ბაჩუკი ქარდავას თქმით ამ საკითხის იგნორირება ან „დაბალ ღობეზე ჯოხის გადატეხვა“ პრობლემას კიდევ უფრო სახიფათოდ გააღრმავებს, სასწორზე კი სახელმწიფო ინტერესები დევს:

„თემირლან მაჩალიკაშვილის ტრაგედია დაიწყო ჩატაევის უგუნური გათავისუფლებიდან, ხოლო, მოგვიანებით, ქვეყანაში, თუნდაც დანაშაულებრივი უნიათობის გამო, მისი შემოშვებით. ყველაზე მიამიტი ადამიანიც კი ხვდება, ალბათ, რომ მაჩალიკაშვილის და პანკისის ხეობის სხვა მაცხოვრებლების დახმარებით, ჩატაევი საქართველოს საზღვარზე წინ და უკან თავის გემოზე ვერ ისეირნებდა. 19 წლის ბიჭის მკვლელობა სახიფათო ვითარებას ქმნის და ხელისუფლებას უნდა ესმოდეს, რომ წაყრუებით, ან კიდევ დაბალ ღობეზე ჯოხის გადატეხვით პრობლემას ვერ მოაგვარებს, პირიქით, სახიფათოდ გააღრმავებს! მტერს - რუსეთს სასათბურე ფონი შეუქმენით, დროზე მოეშვით სირაქლემის პოზაში ყოფნას, სასწორზე სახელმწიფო ინტერესები დევს და პასუხისმგებლობას, ხელისუფლების ვერც ოფიციალურ და ვერც არაოფიციალურ მაღალ ეშელონებში ვერ აირიდებთ...!“- წერს ბაჩუკი ქარდავა.