მიხეილ რამიშვილი მეუფე იაკობის წინააღმდეგ - ადვოკატი ქორეპისკოპოსის საკითხის განხილვას საპატრიარქოსგან ითხოვს

პოლიტიკა - 19:22, 10 Jan, 2018

1359

ციანიდის საქმის ადვოკატის, მიხეილ რამიშვილის განცხადება საპატრიარქოში უკვე მეორედ არ ჩაიბარეს, ადვოკატი ითხოვს, რომ შესწავლილი იქნეს მეუფე იაკობის მიერ მისი მისამართით გაკეთებული განცხადება, რა დროსაც საპატრიარქოს ქორეპისკოპოსმა მიხეილ რამიშვილს სანდრო გირგვლინის საქმესთან დაკავშირებით დათა ახალაიას აგენტი უწოდა:

„ეს წერილი არის მოთხოვნა, სადაც მითითებულია სჯულის კანონის შესაბამისი მუხლები, რომელიც პირდაპირ ავალდებულებს წმინდა სინოდს, რომ ამ სიტუაციაში მოქმედება განახორციელოს. წმინდა სინოდის აბსოლუტურად ყველა წევრზე მაქვს ეს მოთხოვნა გაკეთებული, ამავდროულად მაქვს სიდი რომელზეც ჩაწერილია მეუფე იაკობის საუბარი, ცილისმწამებლური განცხადება ჩემს მიმართ, ასევე ჩემი კოლეგის,რომელიც გირგვლიანის საქმეში მონაწილეობდა, შალვა შავგულიძის შეფასება ჩემს წვლილთან დაკავშირებით.“- განაცხადა მიხეილ რამიშვილმა.

საპატრიარქოს წარმომადგენლის კახაბერ გოგოტიშვილის თქმით სამდივნოში შესული განცხადება განიხილება და შესაბამისი რეაგირება მოხდება. მისი თქმით როდესაც განცხადება მღვდელმთავართან დაკავშირებით შემოდის მასთან დაკავშირებით კომისია უნდა შეიქმნას, რადგან მსგავს საკითხებზე სინოდის მოწვევა არ ხდება.