ერთიანმა ნაციონალური მოძრაობამ 19 წლის პანკისელი ახალგაზრდის გარდაცვალებს გამო სამძიმარი გამოუცხადა თემირლან მაჩალიკაშვილის ოჯახს, პანკისის მკვიდრებს და მთლიანად საქართველოს. აღნიშნული განცხადება დღეს ბრიფინგზე ნუგზარ წიკლაურმა გააკეთა და განვითარებულ პროცესებში ხელისუფლება დაადანაშაულა. ნუგზარის თქმით კანონიერი იქნება პროტესტის ყველა კანონიერი ფორმა, რომელსაც სიმართლისთვის მებრძოლ ადამიანები გამოიყენებენ. წიკლაურმა ენმ-ს სახელით ამ პროტესტს მხარი დაუჭირა.

„ენმ-ს მიაჩნია, რომ თემირლან მაჩალიკაშვილის მკვლელობა არის ხელისუფლების კრიმინალური მოქმედებების შედეგი, კერძოდ, 2012 წელს აჰმედ ჩატაევის გათავისუფლება და საქართველოდან გაშვება, ხელისუფლების დანაშაული არის უკვე ტერორიზმში მხილებული ჩატაევის საქართველოში დაუბრკოლებლად შემოსვლა და დანაშაულია ტერორისტული ჯგუფისთვის შესაძლებლობის მიცემა, რომ მათ შეექმნათ თბილისში სამხედრო ბაზა, რასაც შეეწირა ქართველი სპეცრაზმელის სიცოცხლე. ხელისუფლების დანაშაულია, საკუთარი კრიმინალური ქმედების დაფარვის მიზნით 19 წლის თემირლან მაჩალიკაშვილის ჩაცხრილვა საკუთარ საწოლში, როდესაც ამის არანაირი აუცილებლობა არ არსებობდა. გამომდინარე აქედან ენმ-ს მიაჩნია, რომ მთავრობის მოქმედებები იყო ქვეყნის ეროვნული ინტერესებისა და ჰუმანიზმის წინააღმდეგ. უმძიმეს დანაშაულად მიგვაჩნია გასროლის შემდეგ თემირლან მაჩალიკაშვილის დროულად არგადაყვანა საავადმყოფოში, რამაც შესაძლოა მას სიცოცხლე მოუსწრაფა. ენმ კიდევ ერთხელ უდასტურებს თავის პატივისცემას ოჯახს, პანკისის ხეობის მკვიდრებს და მიიჩნევს, რომ კანონიერია პროტესტის ყველა კანონიერი ფორმა, რომელსაც გამოხატავენ საქართველოს მოქალაქეები და ჩვენ მზად ვართ მხარი დავუჭიროთ სიმართლისთვის მებრძოლ ადამიანებს“- განაცხადა ნუგზარ წიკლაურმა.