ცხინვალის მარიონეტულმა რეჟიმმა სერბთა რესპუბლიკასთან თანამშრომლობის შეთანხმება გააფორმა

პოლიტიკა - 16:51, 10 Jan, 2018

1485

სერბთა რესპუბლიკაში (შედის ბოსნია-ჰერცოგოვინის შემადგენლობაში, იხ. ქვემოთ) ე.წ. ოფიციალური ვიზიტით ცხინვალის მარიონეტული რეჟიმის დელეგაცია იმყოფება, რომელსაც ე.წ. პრეზიდენტი ანატოლი ბიბილოვი ხელმძღვანელობს. ვიზიტის ფარგლებში გაიმართა შეხვედრა პრეზიდენტ მილორად დოდიკთან, სადაც საუბარი იყო ურთიერთთანამშრომლობის შესახებ. მათ შორის საერთაშორისო საკითხებშიც. ბიბილოვმა დოდიკი მომავალი წლის აგვისტოში ცხინვალში დაპატიჟა.

სეპარატისტული ე.წ. "სამხრეთ ოსეთის" მარიონეტულმა მთავრობამ და სერბთა რესპუბლიკის მთავრობამ ურთიერთთანბამშრომლობის სამწლიანი შეთანხმებაც გააფორმეს. შეთანხმებას ხელი სეპარატისტული რეჯიმის ე.წ. საგარეო საქმეთა მინისტრმა დიმიტრი მედოევმა და სერბთა რესპუბლიკის ეკონომიკის მინისტრმა ზლატან კლოკჩმა დადეს.

----

* სერბთა რესპუბლიკა — ერთ-ერთია ორი პოლიტიკური ერთეულიდან, რომელიც წარმოადგენს ქვედა დონის მმართველობას დღევანდელ ბოსნია-ჰერცოგოვინაში. მეორე ერთეულია ბოსნია და ჰერცოგოვინას ფედერაცია. იგი ეთნიტეტს წარმოადგენს, რომელსაც გარკვეული უფლებები გააჩნია, მათ შორის საგარეოპოლიყიკურ საკითხებშიც. ბოსნია-ჰერცოგოვინაში მცხოვრებმა სერბებმა 1992 წელს დამოუკიდებლობა გამოაცხადეს, თუმცა გაეროსა და ნატოს ზეწოლის შედეგად, 1995 წელს დადებული დეიტონის ხელშეკრულების თანახმად, სერბთა რესპუბლიკა ბოსნია-ჰერცოგოვინაში შევიდა, რომელსაც როგორც ფედერაციული, ასევე კონფედერაციული მოწყობის ელემენტები გააჩნია - აქვს საკუთარი ფულის ერთეული "კონვერტირებადი მარკა", შეუძლია დადოს ხელშეკრულებები და პარალელური საერთაშორისო ურთიერთობები, დადოს ხელშეკრულებები სხვა ქვეყნებთან და საერთაშორისო ორგანიზაციებთან, ბოსნმია-ჰერცოგოვინას ტერიტორიული მთლიანობისა და სუვერენიტეტის გათვალისწინებით.