„ამ თემისადმი ინტერესი არის სტრატეგიული პარტნიორების მხრიდანაც"- საია ხელისუფლებისგან პანკისის სპეცოპერაციაზე პასუხებს ითხოვს

პოლიტიკა - 12:47, 10 Jan, 2018

1099

ახალგაზრდა იურისტთა ასოციაციის ხელმძღვანელი ხელისუფლებას მოუწოდებს, რომ დროულად იქნას გაცემული პასუხები იმ კითხვებზე, რომლებიც პანკისის სპეცოპერაციასთან დაკავშირებით არსებობს. სულხან სალაძის თქმით, ეს სცილდება მხოლოდ საქართველოს კონტექსტს და ამ თემისადმი ინტერესი არის არა მარტო საქართველოში, არამედ, სტრატეგიული პარტნიორების მხრიდანაც:

„ამ პროცესში ხელისუფლებამ მაქსიმალურად ყველაფერი უნდა გააკეთოს, რომ სრული და ამომწურავი ინფორმაცია მიაწოდოს საზოგადოებას იმ ფარგლებში, რაშიც ეს შეიძლება გავრცელებული იყოს. მეორეს მხრივ, უნდა უზრუნველყოს უსაფრთხოება ქვეყანაში, თუმცა არ უნდა დარჩეს კითხვები და არ იქნება პასუხები. ამიტომ, სწრაფი და ობიექტური გამოძიებაა ამ პროცესში აუცილებელი. ეს სცილდება მხოლოდ საქართველოს კონტექსტს, მათ შორის, საუბარი იყო, რომ ტერაქტები იგეგმებოდა, როგორც საქართველოში, ასევე თურქეთში. ამიტომ, ამ თემისადმი ინტერესი არის არა მარტო საქართველოში, არამედ სტრატეგიული პარტნიორების მხრიდანაც და ვიმედოვნებთ, რომ ხელისუფლება მაქსიმალურად მოკლე დროში მიაწვდის საზოგადოებას ინფორმაციას,“ - განაცხადა სულხან სალაძემ.