ქარის შედეგად მიყენებულ ზარალს მოსახლეობას თბილისის მერია და შესაბამისი გამგეობები აუნაზღაურებენ. ამის შესახებ დედაქალაქის მთავრობის სხდომის დასრულების შემდეგ კალაძის მოადგილემ, ილია ელოშვილმა განაცხადა.

“ძირითადად გადახდილია სახურავები კორპუსებზე და კერძო საცხოვრებელ სახლებზე. წაიქცა რამდენიმე ხე, დაზიანებულია მანქანები. მთელი ღამე მობილიზებული იყო გამგეობები, სამაშველო სამსახურები. საბედნიეროდ, მსხვერპლი არ არის. მიმდინარეობს ზარალის დათვლა და რა თქმა უნდა, ზარალს მერია და გამგეობები ოპერატიულ რეჟიმში აუნაზღაურებენ, – განაცხადა ილია ელოშვილმა.