რამდენიმე საათის წინ, ავტოსაგზაო შემთხვევა მოხდა ოზურგეთის მუნიციპალიტეტის სოფელ ოზურგეთში, ოზურგეთი-ბაილეთის დამაკავშირებელ გზაზე.

მსუბუქი ავტომანქანა, რომელშიც ცოლ-ქმარი და მცირეწლოვანი ბავშვი იმყოფებოდნენ, გზის სავალი ნაწილიდან გადავარდა და ბორდიულს შეეჯახა. ისინი ჯუმათიდან ოზურგეთის მიმართულებით მგზავრობდნენ.

საჭესთან მჯდომი 30 წლის მამაკაცი საავადმყოფოში მიყვანიდან რამდენიმე წუთში გარდაიცვალა, მრავლობითი მოტეხილობებით ქუთაისის საავადმყოფოშია გადაყვანილი გარდაცვლილის მეუღლე.

როგორც საავადმყოფოს მორიგე ქირურგმა, ტიტე მგელაძემ გვითხრა, 30 წლის ქალბატონს წვივის, მენჯისძვლის და ნეკნების მოტეხილობა აღენიშნება.

რაც შეეხება მანქანაში მყოფ მათ მცირეწლოვან შვილს, მცირეოდენი სისხლჩაქცევები აღენიშნება, ის ამ დრომდე ოზურგეთის "მედალფას" კლინიკაში იმყოფება. გარდაცვლილი ოზურგეთის მუნიციპალიტეტის სოფელ ძიმითადანაა.

ამ წუთებში გარდაცვლილის ოჯახის წევრები და ახლობლები ოზურგეთის სამედიცინო ცენტრის ეზოში არიან შეკრებილები, რომლებიც, ექსპერტიზის ჩატარების მიზნით ცხედარის ბათუმის პროზექტურაში გადაგზავნას ეწინააღმდეგებიან. საბოლოოდ, პოლიციასა და ოჯახის წევრებს შორის მოლაპარაკება შედგა და მას საკუტარ სახლში გადაასვენებენ.

შსს-ს პრესსამსახურის ცნობით, მომხდარზე გამოძიება სსკ 276-ე მუხლით მიმდინარეობს.