,,არსებობს ფოტოები, რამაც შესაძლოა თავდაყირა დააყენოს სუს-ის ვერსია“

,,არსებობს ფოტოები, რამაც შესაძლოა თავდაყირა დააყენოს სუს-ის ვერსია“ - მაია ნიკოლეიშვილი

პოლიტიკა - 23:47, 09 Jan, 2018

5973

თემირლან მაჩალიკაშვილის ოთახში ჩატარებული დათვალიერების შედეგად აღმოჩენილ დეტალებზე ისაუბრა ექსპერტმა მაია ნიკოლეიშვილმა „პალიტრანიუსის“ გადაცემაში „360 გრადუსი“.

ექსპერტის თქმით, მან თემირლან მაჩალიკაშვილის ოთახში სხვადასხვა პირის მიერ გადაღებული ფოტომასალა ნახა, რომელზეც გარკვეულ დეტალებში განსხვავებაა და რომლის გამოც ადგილის ხელახალი დათვალიერების აუცილებლობა დადგა. მაია ნიკოლეიშვილი ამბობს, რომ გარკევულმა დეტალმა შესაძლოა სუს-ის ვერსია თავდაყირა დააყენოს.

„აუცილებლად უნდა გადამოწმდეს ფოტოები. ფოტო, რომელიც ჩემს ხელთ არის, რომელიც აქვს გამოძიებას და გადაიღეს სხვა პირებმაც, არის გარკვეული სხვაობა. არსებობს რაღაც დეტალი, რომელიც განსხვავებულად ჩანს და იკითხება. ადვოკატთან შევთანხმდები და თვიდან მოგვიწევს შემთხვევის ადგილის დათვალიერება. თუ გამოძიების მხრიდან იქნება კეთილი ნება, თუ მივიღებთ გარკვეულ ინფორმაციას, ჩვენი სურათი იქნება საკმაოდ ზუსტი. შესაძლებელია ამ დეტალმა მთლიანად თავდაყირა დააყენოს სუს-ის ვერსია და აი ამ განსხვავებულ ფოტოებში მეშინია, რომ არ იყოს ხელოვნური განსხვავება. აქ უკვე სულ სხვანაირად შეიძლება ამის წაკითხვა.

გამოძიებას რა აქვს ხელთ, მე არ მინახავს. მე ვნახე რამდენიმე ფოტო, რომლებიც ერთმანეთისგან განსხვავდებიან და ვერ ვხსნი ამას. ძალიან მნიშვნელოვანია და ამან გაგვიჩინა ვალდებულება, თავიდან ვნახოთ ადგილი. ძალიან კარგი იქნება, თუ შესაბამისი ორგანოები წამოვლენ თანამშრომლობაზე“, - განაცხადა მაია ნიკოლეიშვილმა.